У Пухавіцкі РАУС звярнулася жыхарка Мінска, якая паскардзілася, што ў яе на лецішчы прапалі бытавая тэхніка і прадукты харчавання. На месцы аказалася, што злодзей пакінуў пасля сябе важныя ўлікі.
На лецішча ў Пухавіцкім раёне гаспадары не наведваліся каля месяца. Калі ж гаспадыня туды прыехала, то пабачыла, што ў хаце гаспадарыў нехта чужы.
Міліцыянты ўстанавілі, што зламыснік пракраўся праз акно, а пасля звярнулі ўвагу на пакет са смеццем, у якім знайшлі бляшанкі з-пад кансерваў.
Як выявілася, злодзей залез у пусты дом, знайшоў і з'еў харчы, а затым усё за сабой прыбраў і пайшоў. Але на пакінутых ім бляшанках супрацоўнікі МУС знайшлі адбіткі пальцаў, якія адправілі на экспертызу.
Вынікі экспертызы паказалі, што сляды належаць мясцоваму жыхару 1982 года нараджэння. Зламысніка затрымалі і завялі супраць яго крымінальную справу паводле арт. 205 КК РБ. Мужчыну можа пагражаць да 4 гадоў пазбаўлення волі.
Цяпер чытаюць
«Стаяць на сваім, кожны на колькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі4
Каментары