Мінулы раз ён выклікаў масавыя пратэсты і быў адкліканы.
Кіроўная партыя Грузіі паўторна ўносіць у парламент законапраект аб «замежных агентах». Ён практычна ідэнтычны дакументу, які быў адкліканы год таму ў сувязі з масавымі пратэстамі, піша «Медуза».
Пра тое, што «Грузінская мара» зноў збіраецца ініцыяваць разгляд законапраекта аб «замежных агентах», паведаміў лідар парламенцкай фракцыі кіроўнай партыі Мамука Мдынарадзэ.
Паводле слоў Мдынарадзэ, рашэнне аб паўторным разглядзе законапраекта было прынята «ў выніку кансультацыі з палітычнай радай партыі».
Тэкст законапраекта, які рыхтуецца да разгляду, практычна цалкам супадае з тэкстам дакумента, які быў адкліканы з парламента год таму ў сувязі з масавымі пратэстамі.
Адзіная розніца заключаецца ў тым, што ў новай версіі законапраекта тэрмін «замежны агент» замянілі на «арганізацыя, якая ажыццяўляе дзейнасць у інтарэсах замежнай дзяржавы».
У сакавіку 2023 года законапраект аб «замежных агентах» ужо ўносілі на разгляд у парламент Грузіі. Тады дэпутаты прынялі яго ў першым чытанні, што выклікала хвалю масавых пратэстаў. Акцыі ля парламента ў Тбілісі перараслі ў сутыкненні з паліцыяй. Пратэстоўцаў падтрымала прэзідэнт Грузіі Саламе Зурабішвілі. Неўзабаве законапраект быў адкліканы з парламента.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА115
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары