На Гродзеншчыне затрымалі серыйнага выкрадальніка туй — за 8 гадоў ён выкапаў больш за 100 дрэў
Частку высадзіў на сваім участку.
На Гродзеншчыне міліцыя затрымала серыйнага выкрадальніка туй. 44-гадовы мужчына дзейнічаў з 2016 года, і яго не маглі злавіць.
Зарабляў гродзенец у садовых таварыствах у раёне вёскі Тарусічы. Мужчына выбіраў момант, калі гаспадары дачных участкаў адсутнічалі, і выкопваў дэкаратыўныя расліны, паведамілі ў міліцыі Гродзенскай вобласці.
Частку туй ён прадаваў, у тым ліку праз Інтэрнэт, частку высадзіў на сваім участку. Усяго за восем гадоў мужчына выкапаў больш за сотню дрэў.
Акрамя туй, гродзенец выносіў з сабой садовы інструмент і будматэрыялы: ён выкраў тры дзясяткі металічных заборных секцый і ўпакоўкі пенапласту. Затрымаць мужчыну ўдалося, калі адна з дачніц заўважыла чужога чалавека на суседскім участку, і вырашыла патэлефанаваць у міліцыю.
Цяпер высвятляюцца ўсе пацярпелыя па гэтай справе.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі15
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары