Меркаванні1111

«Нават бабарыканцы, якія як бы архітэктары выбараў у КР, хочуць рухаць Ціханоўскую ў нейкі бок»

Палітычны аналітык Арцём Шрайбман у у ютуб-праграме «Часики тикают» выказаўся адносна таго, якія мэты ставяць перад сабой тыя палітыкі, што бяруць удзел у выбарах у Каардынацыйную раду, і якая ад гэтага карысць ці небяспека для Святланы Ціханоўскай ды яе каманды.

Іван Краўцоў. Скрыншот з відэа

Шрайбман упэўнены, што практычна ўсе ўдзельнікі выбараў у перспектыве нацэльваюцца на тое, каб у зручны момант пасунуць Ціханоўскую з цяперашніх пазіцый:

«Абсалютна ўсе ўдзельнікі працэсу, якія ідуць у КР — акрамя офіснага спісу «Еўрапейскі выбар» — ідуць туды для таго, каб неяк рухаць Ціханоўскую ў нейкі бок.

Хтосьці хоча яе проста спіхнуць з парапета, хтосьці хоча браць удзел у фармаванні [яе] кабінета, хтосьці хоча пасунуць яе ў бок іншага парадку дня — мабільнасць або вызваленчая армія.

Нават арганізатары гэтага працэсу — бабарыканцы, якія таксама зайшлі без свайго спісу, але як бы архітэктары гэтага працэсу, — яны таксама хочуць рабіць гэта з той жа інтэнцыяй. Усім [ім] нешта не падабаецца ў Ціханоўскай».

Вядучая Яўгенія Сугак выказала меркаванне, што ў прадстаўніка бабарыканцаў Івана Краўцова ўсё гэта праяўляецца ў меншай ступені, але Шрайбман запярэчыў:

«Гэта на падкорцы. Маючы зносіны з рознымі людзьмі з усіх спісаў, я бачу што дызайн гэтага працэсу ў тым, каб зрабіць больш плюралістычным гэта поле або пасунуць некамфортнае для ўсіх па розных прычынах лідарства Офіса».

Прычыны ж гэтыя не заўсёды супадаюць:

«Гэта ў многіх сядзіць яшчэ там з 2020 года, калі ёсць адчуванне несправядлівасці таго, што працу рабілі адны людзі, а скарысталіся яе пладамі іншыя людзі.

А ёсць людзі, якія на фоне вайны думаюць, што офіс займаецца нейкай лухтой, а трэба казарму будаваць.

Ва ўсіх розныя прычыны хацець нешта памяняць у канфігурацыі лідарства».

І нічога кепскага ці ненармальнага Шрайбман у гэтым не бачыць: 

«Гэта палітычны працэс. Я лічу, што гэта доўгатэрміновая стратэгічная мэта ўсіх, хто туды ідзе. Навошта гэта хаваць?»

Да таго, што ўдзельнікі палітычнага працэсу публічна могуць заяўляць зусім адваротнае, аналітык ставіцца скептычна, бачыць у гэтым толькі тактычныя хітрыкі:

«Цяпер Латушка і Пракоп'еў будуць расказваць казкі, што «не-не, мы хочам пайсці, каб умацаваць Офіс, мы насамрэч прызнаем [лідарства]»… Але гэта ўсё робіцца для таго каб угаварыць Святлану, проста закалыхаць Офіс і Святлану, каб яны падтрымалі выбары напярэдадні і ўключыліся ў іх. А па факце гэтага не адбываецца, Святлана не заклікае галасаваць.

І як бы яны хочуць проста не здавацца занадта пагрозлівымі, але па факце, калі ў іх будзе такая магчымасць цяпер ці ў 2025 годзе, гэта будзе проста падножка ў першы зручны момант».

У той жа час не варта забывацца, што ўся гэтая палітычная кампанія фактычна камерная, і людзей, якіх яна насамрэч цікавіць і тым больш якія ў ёй удзельнічаюць, вельмі мала, і гэта не простыя людзі:

«Ціханоўская выйграла на сапраўдных выбарах, Латушка выйграў на тэлеграм-выбарах. Ды і то нават менш. Гэта выбар нават не ад прадэмакратычных беларусаў, гэта выбар ад ядра ўнутры ядра ўнутры ядра».

Каментары11

  • Так
    26.05.2024
    А вось і бабарыканец Іван - абаронца расейскай мовы ў якога нейкая дзіўная рэакцыя на беларускае нацыянальнае. Вось вам актывісты, якія хочуць прадстаўляць Новую Беларусь.


  • Цэлеоляг
    26.05.2024
    Пасмактаць бюджэтную цыцку
  • Питон
    26.05.2024
    Так, не устану повторять что 99.9(9)% тут говорят на рабсейская, но в переписях (в том числе еще СССР) указывали что родной - беларуский (что-то коло 75% если не больше).. хтота урот.. причем сам себе.. неужели через силу из себя рабсейскую выдавливают с каждым словом?

Цяпер чытаюць

Келаг плануе паездку ў Беларусь і сустрэчу з Лукашэнкам

Келаг плануе паездку ў Беларусь і сустрэчу з Лукашэнкам

Усе навіны →
Усе навіны

Шматдзетнага бацьку-верніка прызналі яшчэ і тэрарыстам1

Кампанія Трампа будзе выпускаць імянныя мабільнікі з цікавым тарыфным планам2

Хто такі Вярхоўны лідар Ірана аятала Алі Хаменеі і наколькі ўплывовая яго сям'я2

Беларускі экс-міністр прырос актывам у Польшчы, але не забывае пра Расію3

Пад Данецкам расійскі вайсковец злавіў жонку з палюбоўнікам, вывез яго ў поле і расстраляў з аўтамата7

Ілан Маск апублікаваў вынікі аналізаў мачы на наркотыкі5

Расіянін выскачыў у Літве з цягніка падчас руху, яго шукае паліцыя1

Як адрозніць часовае выпадзенне валасоў ад аблысення? Тлумачыць трыхолаг

Святлана Алексіевіч расказала, якую кнігу выпусціць наступнай. Яна не пра каханне, як планавалася раней23

больш чытаных навін
больш лайканых навін

Келаг плануе паездку ў Беларусь і сустрэчу з Лукашэнкам

Келаг плануе паездку ў Беларусь і сустрэчу з Лукашэнкам

Галоўнае
Усе навіны →

Заўвага:

 

 

 

 

Закрыць Паведаміць