Беларуса, якога дэпартуюць з Польшчы, раней судзілі за перавозку нелегальных мігрантаў
Падставай для затрымання беларуса магло стаць тое, што мужчына перавозіў мігрантаў, якія нелегальна ўязджаюць у Польшчу з беларускага боку, піша MOST.
Беларуса Дзмітрыя Смактуновіча 11 чэрвеня выправадзілі з Польшчы за парушэнне правілаў знаходжання ў Еўрасаюзе: яго ДНЖ у Літве анулявалі. Цяпер мужчына знаходзіцца на нейтральнай зоне і баіцца апынуцца ў Беларусі з-за сваёй грамадзянскай пазіцыі.
Жонка Наталля распавяла, што Дзмітрыя затрымлівалі за перавозіў мігрантаў, якія нелегальна ўязджаюць у Польшчу з беларускага боку, у красавіку 2023 года. Тады ён супрацоўнічаў са следствам, дзякуючы яго дзеянням удалося выйсці на іншых удзельнікаў канала перавозкі. Яго судзімасць пагашаная.
Як сцвярджае Наталля, мужчыну нельга ў Беларусь праз палітычны складнік: паводле яе слоў, Зміцер актыўна каментаваў падзеі 2020 года ў сацсетках. Да яго маці прыходзілі людзі, якія цікавіліся мужчынам. А потым з ім звязаліся знаёмыя «з органаў» і рэкамендавалі па магчымасці не прыязджаць у Беларусь, таму што на яго ёсць нейкія матэрыялы.
Кіроўцы аўтобусаў сказалі Зміцеру, што на беларускім баку яго ўжо чакаюць супрацоўнікі КДБ.
Цяпер мужчына знаходзіцца на нейтральнай тэрыторыі.
Польскія памежнікі спынілі рух на памежным пункце ў Тарэспалі ў абодва бакі.
Паводле інфармацыі MOST, да Дзмітрыя падыходзілі беларускія памежнікі і прапаноўвалі «без кабінетаў» правесці на беларускі бок і нават дапамагчы дабрацца дадому. Але мужчына чакае адваката ў нейтральнай зоне.
З беларускага боку мяжы працуе дзяржаўнае тэлебачанне.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі65
Аляксандр Лукашэнка так ляснуўся на лёд на хакеі, што трыбуны замерлі
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары