У Беларусі недастаткова моладзі і зусім мала дзяцей. У чым прычыны?
Паводле даных Інстытута эканомікі НАН Беларусі, у краіне цяпер жыве крыху больш за 9 мільёнаў чалавек. Але, як гаворыць «Мінск-Навінам» кіраўніца Цэнтра чалавечага развіцця і дэмаграфіі Настасся Баброва, гэта не адпавядае той колькасці насельніцтва, якая б магла быць пры сённяшнім узроўні аховы здароўя і сацыяльнай падтрымцы, якую яна лічыць высокай.
У Беларусі захоўваецца высокі ўзровень смяротнасці. Памірае больш людзей, чым нараджаецца. Адной з вострых праблем застаецца смяротнасць мужчын працаздольнага ўзросту. Яны паміраюць праз няшчасныя выпадкі, ДТЗ, шкодныя звычкі, якія прыводзяць да захворванняў органаў дыхання і стрававання.
Уплывае на сітуацыю і міграцыя. Выязджаюць з краіны, як правіла, маладыя людзі. І ўжо ва ўзросце ад 24 гадоў жанчын становіцца больш, чым мужчын. Чаму маладыя людзі з сучаснай Беларусі так масава выязджаюць, не тлумачыцца.
Другі «правал» у полаўзроставай пірамідзе насельніцтва прыпадае на ўзрост 55-59 гадоў. Адныя ў гэтым узросце зноў жа або паміраюць, або з'язджаюць з краіны, выканаўшы свае бацькоўскія задачы і сфармаваўшы капітал.
Адначасова скарачаецца і нараджальнасць, чаму спецыялістка акрэслівае і прычыны. Маўляў:
«Калі ў сям'і да двух дзяцей, завышаныя патрабаванні бацькоў да саміх сябе і да дзіцяці. Яны імкнуцца забяспечыць дзяцей лепей. Так, у нас вялікая падтрымка шматдзетных. Аднак да з'яўлення трэцяга дзіцяці трэба нарадзіць першае і другое. А менавіта першыя з'яўляюцца з цяжкасцю. Пасля іх з-за праблем са здароўем бацькоў далёка не заўсёды нараджаюцца другія».
Прытым рэпрадукцыйнае здароўе падводзіць не толькі жанчын, але часта і мужчын. У выніку ж сітуацыя цяпер такая:
«У дыяпазоне 24-60 гадоў у нас дастаткова і мужчын, і жанчын. Але на змену тым, хто старэе, прыходзіць менш маладых. Праз 5 гадоў гэты працэс стане яшчэ больш прыкметным, а праз 10 можа стварыць сур'ёзную праблему для эканомікі», — падкрэслівае Настасся Баброва.
Удвая павысяць памер дапамогі на дзяцей студэнтам, якія сталі бацькамі
Насельніцтва Мінска зноў скарацілася — да 2 мільёнаў усё далей
Зніжэнне нараджальнасці ва ўсім свеце можа адбыцца хутчэй, чым чакалася
«Краіна губляе людзей з высокімі даходамі». Што адбываецца ў беларускай айцішцы
У 2023 годзе беларускі нарадзілі ў Польшчы 775 дзяцей
Цяпер чытаюць
«Вяртайцеся, калі дарасцяце». Адзін з самых дарагіх рэстаранаў Мінска шакуе сваёй камунікацыяй7
Каментары