У Следчым камітэце паведамілі пра адкрыццё спецыяльнай вытворчасці ў дачыненні да былога амапаўца Паўла Кулажанкі і экс-вайскоўца Васіля Пацехіна.
Былога амапаўца, 40-гадовага Паўла Кулажанку, які цяпер ваюе на баку Украіны, абвінавачваюць па некалькіх артыкулах КК:
- акт тэрарызму, здзейснены арганізаванай групай, альбо з ужываннем аб'ектаў выкарыстання атамнай энергіі, альбо з выкарыстаннем радыеактыўных рэчываў або ядзерных матэрыялаў, моцнадзейных, таксічных хімічных або біялагічных рэчываў, або спалучаны з забойствам чалавека (ч. 3 арт. 289);
- замах на акт тэрарызму, здзейснены арганізаванай групай, альбо з ужываннем аб'ектаў выкарыстання атамнай энергіі, альбо з выкарыстаннем радыеактыўных рэчываў або ядзерных матэрыялаў, моцнадзейных, таксічных хімічных або біялагічных рэчываў, або спалучаны з забойствам чалавека (ч. 1 арт. 14, ч. 3 арт. 289);
- дзейнасць па стварэнні арганізацыі для ажыццяўлення тэрарыстычнай дзейнасці альбо кіраўніцтва такой арганізацыяй альбо яе часткай ці ўваходзячымі у яе структурнымі падраздзяленнямі (ч. 1 арт. 290-4);
- арганізацыя дзейнасці арганізацыі, якая ў адпаведнасці з заканадаўствам Рэспублікі Беларусь прызнаная тэрарыстычнай (ч. 1 арт. 290-5);
- учыненыя паўторна або групай асоб па папярэдняй змове незаконныя выраб, набыццё, перадача ў валоданне, збыт, захоўванне, перавозка, перасылка або нашэнне прадметаў, паражальнае дзеянне якіх заснавана на выкарыстанні гаручых рэчываў (ч. 2 арт. 295-3);
- вярбоўка, іншае ўцягванне асобы ў экстрэмісцкую дзейнасць, навучанне, а роўна іншае садзейнічанне экстрэмісцкай дзейнасці; тыя ж дзеянні, учыненыя паўторна, альбо групай асоб па папярэдняй змове, альбо службовай асобай з выкарыстаннем сваіх службовых паўнамоцтваў (ч.1, 2 арт. 361-4).
Былога вайскоўца, 62-гадовага Віталя Пацехіна, сілавікі лічаць выканаўцам атакі дронаў на базу АМАП ва Уруччы восенню 2021 года. Яго, як і Кулажанку, абвінавачваюць па ч. 3 арт. 289, ч. 1 арт. 14, ч. 3 арт. 289; ч. 2 арт. 295-3. Акрамя таго, яму закідаюцца:
- удзел у арганізацыі, створанай для ажыццяўлення тэрарыстычнай дзейнасці (ч. 2 арт. 290-4);
- удзел у дзейнасці арганізацыі, якая ў адпаведнасці з заканадаўствам Рэспублікі Беларусь прызнана тэрарыстычнай (ч. 2 арт. 290-5).
Згодна з трэцяй часткай артыкула 289 КК аб здзяйсненні тэракту мужчынам пагражае пакаранне аж да смяротнага пакарання.
Спецвытворчасць у дачыненні да экс-сілавікоў пачалі 31 ліпеня 2024 года. Абодвум мужчынам «неабходна з'явіцца па адрасе: г.Мінск, вул. Сапёраў, 7».
Цяпер чытаюць
«Гэта была жывая камера сачэння». Што рабіла віцяблянка Кацярына, каб вызваліцца праз 5 гадоў замест прысуджаных 12 гадоў1
Каментары
акт тэрарызму, здзейснены арганізаванай групай, альбо з ужываннем аб'ектаў выкарыстання атамнай энергіі, альбо з выкарыстаннем радыеактыўных рэчываў або ядзерных матэрыялаў///
Во фантазія ў лукашыстаў. Кулажанка што, ядрёну бомбу кінуў?
Глядзіце, ябацькі, накаркаеце і будзе вам ядрёна бомба на рэзідэнцыю Лукашэнкі.