«Бюро» высветліла падрабязнасці жыцця старэйшай унучкі Аляксандра Лукашэнкі — Вікторыі, дачкі старэйшага сына Лукашэнкі Віктара. Сярод іншага расследавальнікі даведаліся, што яна ўжо мае дзіця, хоць афіцыйна пра гэта не паведамлялася.
Па звестках расследавальнікаў, 14 сакавіка 2022 года Вікторыя Лукашэнка, ужо на той момант Дзятлава, аформіла адпачынак па цяжарнасці і родах. З 18 ліпеня яна афіцыйна пайшла ў дэкрэт — з гэтай даты медыцынскі цэнтр пачынае маркіраваць кантракт старэйшай унучкі Лукашэнкі кодам «дзеці100».
У дэкрэце Вікторыя прасядзела ўвесь 2023 год, а ў лютым 2024 года атрымала пасаду другога сакратара ў Міністэрстве замежных спраў Беларусі.
Перад дэкрэтам Вікторыя Лукашэнкі некалькі гадоў працавала ў кампаніях, звязаных з «кашалькамі» Лукашэнкі. Так, у жніўні 2018 года, яшчэ студэнткай, яна падпрацоўвала ў кампаніі «Арт Хаос», якая валодае аднайменнай мастацкай галерэяй у сталічным шопінг-моле Dana Mall. Належаў гэты бізнэс сербскім братам Багалюбу і Драгаміру Карычам, а дырэктаркай галерэі з 2017 года з'яўляецца маці Вікторыі — Лілія Лукашэнка. Пасля з гэтай галерэяй у дзяўчыны былі звязаныя летняя практыка і яшчэ адна працоўная дамова ў перыяд з 1 па 31 студзеня 2019 года.
Пераддыпломную практыку Вікторыя Лукашэнка праходзіла ў кампаніі «Рух спорт менеджмент», якая належыць іншаму кашальку Лукашэнкі — Аляксандру Зайцаву, цесна звязанаму з Віктарам Лукашэнкам, бацькам Вікторыі.
А ўсяго праз тры месяцы пасля заканчэння ВНУ Віка атрымала пасаду ў медыцынскай клініцы Аляксея Алексіна — «Цэнтры спартыўнай рэабілітацыі НЕО».
За 4 месяцы 2020 года «Цэнтр спартыўнай рэабілітацыі НЕО» налічыў Вікторыі Лукашэнцы заработную плату ў памеры 6661 рубля — няблага для маладога спецыяліста, які толькі скончыў універсітэт. У 2021 годзе дзяўчына сумарна зарабіла ў медыцынскім цэнтры яшчэ 15 340 беларускіх рублёў.
У гэтым жа цэнтры унучка Лукашэнкі ўжо пасля дэкрэта сумяшчала працу ў МЗС, займаючы пасаду галоўнага спецыяліста аддзела маркетынгу.
Аднагрупнік з Полацка. «Наша Ніва» даведалася, за каго выйшла замуж унучка Лукашэнкі
Больш за сто палётаў на курорты і прызначэнні пасля сумеснага адпачынку. Куды і з кім лётаюць Віктар і Лілія Лукашэнкі
Гісторыя вялікага кахання і вялікай адзіноты жонкі Лукашэнкі
Другой суседкай на балі Лукашэнка абраў дзяўчыну ўзросту сваёй унучкі
Унучка Лукашэнкі вучыцца ў Расіі на юрфаку МДУ. Вось што пра гэта вядома
Цяпер чытаюць
Што Бабарыка і Калеснікава адказалі на пытанні пра вайну111
Каментары