Прэзідэнт Украіны выказаўся наконт ідэі Дональда Трампа замарозіць вайну ў сённяшніх умовах.
Уладзімір Зяленскі на сустрэчы з кандыдатам на пасаду канцлера Германіі ад хрысціянскіх дэмакратаў Фрыдрыхам Мерцам адказаў на пытанне, ці пагодзіцца Украіна на замарозку вайны.
Прэзідэнт Украіны адзначыў, што абмеркаваў гэтае пытанне з Трампам у Парыжы, піша УНІАН.
«Калі мы гаворым пра замарозку канфлікту, калі паміж намі, то мы пра гэта гаварылі. Я сказаў: што мы больш, чым хтосьці ў свеце хочам завяршэння вайны, і безумоўна, дыпламатычна завяршэнне вайны прынясе больш захавання жыццяў, і мы хочам гэтага», — адзначыў Зяленскі.
Пры гэтым у размове з Трампам і прэзідэнтам Францыі Эманюэлем Макронам украінскі лідар падкрэсліваў, што Пуцін не хоча міру.
«Перш за ўсё вы ўбачыце — Пуцін не хоча завяршэння гэтай вайны. Таму, яго трэба прымусіць. Прымусіць можна толькі, калі Украіна моцная. Украіна моцная перад любой дыпламатыяй — гэта моцная на полі бою армія, гэта пакеты са зброяй і да таго падобнае. Гэта дальнабойныя сістэмы, безумоўна І ATACMS, і Taurus, і Storm Shadow і Scalp — усё гэта нам вельмі патрэбна», — сказаў Зяленскі.
Ён таксама дадаў, што Украіна чакае запрашэння ў NATO як адну з гарантый устойлівага міру.
«Цяпер мы не можам быць у NATO, але запрашэнне ў NATO можа быць», — мяркуе Зяленскі.
Ён дадаў, што мае намер пераканаць дзейнага прэзідэнта ЗША Джо Байдэна ўзгадніць такое запрашэнне.
Цяпер чытаюць
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове1
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары