Орбан прапанаваў Пуціну абвясціць каляднае перамір'е і правесці буйны абмен палоннымі
Крэмль распавёў аб кансультацыях па ўсталяванні міру ва Украіне.
Кансультацыі па мірным урэгуляванні ва Украіне працягнуцца, Масква падтрымлівае намаганні прэм'ера Венгрыі Віктара Орбана, заявіў прэс-сакратар прэзідэнта Расіі Дзмітрый Пяскоў, паведамляе РБК.
«Зыходзім з таго, што кансультацыі па ўсталяванні міру будуць працягнутыя. Расійскі бок цалкам падтрымлівае намаганні Орбана, накіраваныя на пошук мірнага ўрэгулявання і развязанне гуманітарных пытанняў, звязаных з абменам палоннымі», — сказаў Пяскоў.
Паводле яго слоў, падчас учорашніх тэлефонных перамоваў Орбан прапанаваў Пуціну правесці напярэдадні Калядаў буйны абмен палоннымі паміж Расіяй і Украінай, а таксама абвясціць Каляднае спыненне агню.
Масква перадала прапанову праз Будапешт, аднак, мяркуючы з рэакцыі Кіева, украінскі бок яго адхіліў, сказаў Пяскоў.
Орбан патэлефанаваў Пуціну 11 снежня пасля сустрэчы з абраным прэзідэнтам ЗША Дональдам Трампам, які неаднаразова заяўляў, што мае намер запрасіць Расію і Украіну за стол перамоваў і хутка завяршыць канфлікт.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі15
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары