Назіраць за выбарамі ў Беларусь прыедзе швейцарац, якога на радзіме судзілі за фальсіфікацыю выбараў
Мінск запрасіў назіраць за прэзідэнцкімі выбарамі трох швейцарскіх палітыкаў, вядомых сваімі прарасійскімі поглядамі.
Тры швейцарцы прыедуць у Беларусь назіраць за неканкурэнтнымі прэзідэнцкімі выбарамі, якія адбудуцца 26 студзеня. Запрашэнні атрымалі Эрык Вэбер, Патрык Крэц і Вільгельм Віс.
Беларускія ўлады аплацяць ім дарогу і пражыванне ў Мінску. Запрашэнні швейцарцам прыйшлі ў тым ліку ад міністра замежных спраў Максіма Рыжанкова, пiша Blick.
Цікава, што 61-гадовы Вэбер у 2014 годзе быў асуджаны за фальсіфікацыі выбараў у кантонавы парламент. Суд выявіў, што падчас адной з кампаній ён схіляў выбаршчыкаў атрымаць другія бюлетэні і прагаласаваць за яго. Палітыка затрымлівалі па падазрэнні ў фальсіфікацыях і ў 2024 годзе.
У Швейцарыі ў Вэбера рэпутацыя экстравагантнага крайне правага палітыка, ён стварыў уласную «Партыю супраць занадта вялікай колькасці іншаземцаў і прасіцеляў прытулку ў Швейцарыі». Некалькі разоў Вэбера абіралі ў парламент кантона Базэль-Штадт.
Палітык адправіцца ў Мінск у панядзелак. Паводле меркавання Вэбера, «у Беларусі шмат што сучасней, чым у Швейцарыі», а медыя, як ён лічыць, хлусяць пра рэальную сітуацыю ў краіне.
31-гадовы Крэц, дэпутат парламента кантона Цуг ад Народнай партыі, і 25-гадовы Віс паедуць у Беларусь не ўпершыню. Яны назіралі за парламенцкімі выбарамі ў 2024 годзе і актыўна раздавалі інтэрв'ю прапагандыстам, у якіх хвалілі выбарчы працэс.
Віс, напрыклад, заяўляў, што «ў Беларусі можна свабодна выказваць сваё меркаванне». Пратэсты ён лічыць «змоваю Захаду». Віс таксама вядомы прыхільнік Уладзіміра Пуціна. Пасля пачатку поўнамаштабнай вайны ён вывесіў на фасадзе свайго дома літары Z і герб СССР у падтрымку расійскага ўварвання.
-
Маладога выпускніка Акадэміі МУС асудзілі па рэдкім артыкуле — за «парушэнне аховы дзяржаўных сакрэтаў»
-
«Адзін раз за сто гадоў праехаў на транспарце». Жыхару Магілёва ў аўтобусе далі рэшту расійскімі манетамі
-
Вучняў, якія з матам парвалі экзаменацыйныя білеты па гісторыі Беларусі, прымусілі выбачацца каля манумента Перамогі
Цяпер чытаюць
Вучняў, якія з матам парвалі экзаменацыйныя білеты па гісторыі Беларусі, прымусілі выбачацца каля манумента Перамогі41
Каментары
Думаю, этот прохвост из Швейцарии даже не узнает "нюансов" подсчёта голосов. Будет просто наслаждаться заботой, которой его окружат. И хвалить, конечно, "выборы".