Мінчанка патэлефанавала ў міліцыю і паведаміла, што праз камеры назірання, пастаўленыя ў кватэры яе 90-гадовай маці, якая хворая на дэменцыю, убачыла незнаёмага мужчыну, паведамляе гарадская міліцыя.
На выклік выехала група хуткага рэагавання. Ля пад’езда пенсіянеркі супрацоўнікі міліцыі па прыкметах затрымалі 20-гадовага замежніка. У яго знайшлі дзесяць залатых вырабаў на 56 тысяч рублёў, якія ён скраў у пажылой жанчыны.
Высветлілася, што мужчына сачыў за пенсіянеркай, калі яна вярталася з прагулкі, і зайшоў за ёй у пад’езд. Ён прадставіўся прадаўцом посуду і так пранік у кватэру, дзе перагледзеў шафы, знайшоў і забраў каштоўнасці.
Пасля гэтага замежнік паспрабаваў уцячы на загадзя падрыхтаваным аўтамабілі, але не паспеў — яго затрымала міліцыя.
Заведзена крымінальная справа за крадзеж у асабліва буйным памеры.
Інжынера-канструктара з упраўлення «Пеленга», якое робіць тэхніку для расійскага войска, асудзілі па палітычных артыкулах3
Каментары
Калі расейцы здзяйсняюць злачынствы ў нашай краіне, то мус у сваіх сводках называе іх замежнікамі. А калі з крамля прыязджаюць такія ж самыя злачынцы, то іх ужо называюць “браццямі”.