12 сакавіка ўступілі ў сілу 25% тарыфы на сталь і алюміній, што ўвозяцца ў ЗША. У першую чаргу меры закрануць Канаду і Еўрасаюз. У Еўропе лічаць, што страцяць на гэтым 26 мільярдаў еўра — і менавіта на гэтую суму Брусэль абкладзе падаткамі амерыканскія тавары, піша Euronews.
«Мыты — гэта падаткі. Яны шкодныя для бізнэсу і яшчэ больш для спажыўцоў. Яны парушаюць ланцужкі паставак, уносяць нявызначанасць у эканоміку. Працоўныя месцы пад пагрозай, цэны растуць. Гэта нікому не трэба — ні ў Еўрапейскім cаюзе, ні ў Злучаных Штатах», — заявіла старшыня Еўрапейскай камісіі Урсула фон дэр Ляен.
Па яе словах, ЕС гатовы да прапарцыйнага адказу, хоць у той жа час Брусэль заўсёды хоча развязваць такія праблемы шляхам перамоваў:
«Мы цвёрда перакананыя, што ў свеце, поўным эканамічных і палітычных нявызначанасцяў, не ў нашых супольных інтарэсах абцяжарваць свае эканомікі такімі мытамі. Мы гатовыя да канструктыўнага дыялогу».
Контрмеры ЕС будуць уводзіцца ў два этапы, пачынаючы з 1 красавіка, і цалкам набудуць моц да 13 красавіка.
Трамп працягнуў гандлёвую вайну супраць Канады і зноў заявіў пра 51-шы штат як мэту
ЗША не першы раз у гісторыі вядуць гандлёвыя войны. Ці прыносілі поспех папярэднія?
Канада адказала Трампу на мыты ўвядзеннем сваіх. Трамп абяцае свае падвоіць
Трамп падвоіў мыты на тавары з Кітаю і ўвёў у дзеянне ўказ пра мыты для Канады і Мексікі ў 25%
Цяпер чытаюць
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1313
Каментары