У агні і цісканіне на дыскатэцы ў Паўночнай Македоніі загінулі найменей 50 чалавек
Ноччу на дыскатэцы Pulse у горадзе Кочані ў Паўночнай Македоніі адбыўся пажар. Ахвярамі, паводле інфармацыі Міністэрства ўнутраных спраў краіны, сталі найменей 50 чалавек. Імаверна, гэта вельмі маладыя людзі.
Дакладная колькасць ахвяр трагедыі навядомая. Мяркуецца, што па меншай меры 50 чалавек загінулі і яшчэ дзясяткі атрымалі раненні ў выніку моцнага пажару, які ахапіў ноччу начны клуб каля 3 гадзін ночы.
Паводле сведчанняў відавочцаў, некаторыя наведвальнікі былі раздушаны падчас цісканіны, калі людзі ўцякалі, ратуючы сваё жыццё ад полымя. На канцэрце было каля 1500 гледачоў.
Прычыны пажару пакуль невядомыя. Мяркуецца, што гэтая трагедыя, якая не мае аналагаў у гісторыі Качані, адбылася праз піратэхніку на дыскатэцы падчас канцэрту македонскага гурту DNA.
Сёння раніцай у Кочані адчайна шукаюць сваіх блізкіх. Бо ніхто не ведае, жывыя яны ці мёртвыя.
— Шукаю ўнучку. У яе званіць тэлефон, яна не адказвае. Мы былі ў шпіталі ў Кочані, у Штыпе, некаторых адправілі ў Скоп’е. Магчыма, яна параненая і не можа патэлефанаваць. Камусьці трэба тэрмінова неяк патлумачыць сказаць, дзе шукаць, — сказаў суразмоўца «Радыё Свабода» з Кочані.
Перад шпіталем у Кочані знаходзіцца вялікая колькасць сваякоў і блізкіх параненых і загінулых.
Паводле мясцовых СМІ, у сацыяльных сетках ужо публікуюцца заклікі аб дапамозе бальніцы Кочані, якая не мае дастатковай магутнасці для барацьбы з трагедыяй такога маштабу.
«Размаўляў увесь час па-беларуску». Павел Севярынец запісаў свой першы зварот пасля вызвалення18
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары
Спачуванні загінуўшым, пацярпелым і іх сваякам.