Жыхарку Салігорска будуць судзіць за 54 пераводы палітвязням. Ёй пагражае да сямі гадоў
Накіравана ў суд крымінальная справа ў дачыненні да 47-гадовай жыхаркі Салігорска. Яе абвінавачваюць у садзейнічанні «экстрэмісцкай» дзейнасці, паведаміў газеце «Шахцёр» старшы пракурор аддзела пракуратуры Мінскай вобласці Валерый Мядзель. Жанчына перасылала грошы палітвязням, піша «Люстэрка».
Паводле звестак пракуратуры, з 27 верасня 2021 года па 12 мая 2023 года салігарчанка «вяла дэструктыўную дзейнасць, скіраваную ў тым ліку на штучнае нагнятанне напружанасці ў грамадстве і супрацьстаянне паміж грамадствам і дзяржавай, фарміраванне, пранікненне і распаўсюджванне ідэалогіі экстрэмізму».
Па версіі следства, жанчына «аказвала садзейнічанне экстрэмісцкай дзейнасці экстрэмісцкіх фармаванняў Dissidentby, «Вясна» і «Лісты Салідарнасці Беларусь 2020»».
А менавіта — здзейсніла не менш за 70 грашовых пераводаў на агульную суму каля 600 рублёў на карысць 54 асобаў, якія знаходзяцца пад вартай «за ўчыненне злачынстваў экстрэмісцкай накіраванасці».
Пракуратура Мінскай вобласці накіравала справу ў Мінскі абласны суд паводле ч. 1 і 2 арт. 361−4 КК (Садзейнічанне экстрэмісцкай дзейнасці). Салігарчанка працягвае заставацца пад вартай. Яе чакае ад двух гадоў «хіміі» да сямі гадоў калоніі.
Цяпер чытаюць
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь9
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары