Žycharku Salihorska buduć sudzić za 54 pieravody palitviaźniam. Joj pahražaje da siami hadoŭ
Nakiravana ŭ sud kryminalnaja sprava ŭ dačynieńni da 47-hadovaj žycharki Salihorska. Jaje abvinavačvajuć u sadziejničańni «ekstremisckaj» dziejnaści, paviedamiŭ haziecie «Šachcior» staršy prakuror adździeła prakuratury Minskaj vobłaści Valeryj Miadziel. Žančyna pierasyłała hrošy palitviaźniam, piša «Lusterka».
Pavodle źviestak prakuratury, z 27 vieraśnia 2021 hoda pa 12 maja 2023 hoda saliharčanka «viała destruktyŭnuju dziejnaść, skiravanuju ŭ tym liku na štučnaje nahniatańnie napružanaści ŭ hramadstvie i supraćstajańnie pamiž hramadstvam i dziaržavaj, farmiravańnie, praniknieńnie i raspaŭsiudžvańnie ideałohii ekstremizmu».
Pa viersii śledstva, žančyna «akazvała sadziejničańnie ekstremisckaj dziejnaści ekstremisckich farmavańniaŭ Dissidentby, «Viasna» i «Listy Salidarnaści Biełaruś 2020»».
A mienavita — ździejśniła nie mienš za 70 hrašovych pieravodaŭ na ahulnuju sumu kala 600 rubloŭ na karyść 54 asobaŭ, jakija znachodziacca pad vartaj «za ŭčynieńnie złačynstvaŭ ekstremisckaj nakiravanaści».
Prakuratura Minskaj vobłaści nakiravała spravu ŭ Minski abłasny sud pavodle č. 1 i 2 art. 361−4 KK (Sadziejničańnie ekstremisckaj dziejnaści). Saliharčanka praciahvaje zastavacca pad vartaj. Jaje čakaje ad dvuch hadoŭ «chimii» da siami hadoŭ kałonii.
Ciapier čytajuć
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk1
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1616
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu16
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary