Міліцыя прапануе, каб амністыя закранула амаль усіх асуджаных за наркотыкі
Адно з істотных новаўвядзенняў запланаванай амністыі-2025 — тое, што яна будзе тычыцца і распаўсюднікаў наркотыкаў. У мінулыя гады сілавікі былі рашуча супраць таго, каб асуджаныя па артыкуле 328 атрымалі такую зніжку ад дзяржавы, аднак цяпер падыходы змяніліся.
Мяркуецца, на 1 год скараціць тэрмін амаль усім асуджаным за наркатычныя злачынствы — апроч рэцыдывістаў і асуджаных па ч. 5 арт. 328 (распаўсюд наркотыкаў, які прывёў да смерці чалавека).
Тыя ж, хто асуджаныя па ч. 4 арт. 328 — распаўсюд наркотыкаў у складзе арганізаванай групы — могуць увогуле лічыць гэты год найвыдатнейшым. Ім зараз скідаюць па два гады да прысуджаных тэрмінаў за кошт лібералізацыі заканадаўства, а цяпер ёсць магчымасць атрымаць яшчэ і амністыю на год.
Сёння стала вядома, што ўрадам унесены ў парламент законапраект «Аб амністыі ў сувязі з 80-годдзем Перамогі ў Вялікай Айчыннай вайне». Яна закране каля 8 тысяч асуджаных.
Пералік асоб, якія цалкам вызваляюцца ад пакарання і іншых мер крымінальнай адказнасці, дапоўнены новай катэгорыяй асоб з пэўнымі захворваннямі. Але што гэта за катэгорыя, невядома.
Таксама прапануецца раней не судзімым асобам, якія дасягнулі 70-гадовага ўзросту і асуджаным да пазбаўлення волі на тэрмін да шасці гадоў уключна, замяніць пакаранне больш мяккім у выглядзе абмежавання волі без накіравання ў папраўчую ўстанову адкрытага тыпу.
Таксама будзе прымяняцца частковая амністыя ў выглядзе скарачэння пакарання на адзін год да асоб, асуджаных за неасцярожныя злачынствы, якія прывялі да смерці чалавека.
Асноўнымі ўмовамі для прымянення амністыі з'яўляюцца поўнае пакрыццё шкоды, а таксама станоўчая характарыстыка асобы ў перыяд адбыцця пакарання.
За апошнія пяць гадоў у Беларусі былі абвешчаныя чатыры амністыі. Палітвязняў яны не тычыліся.
Цяпер чытаюць
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка3
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары