Milicyja prapanuje, kab amnistyja zakranuła amal usich asudžanych za narkotyki
Adno ź istotnych novaŭviadzieńniaŭ zapłanavanaj amnistyi-2025 — toje, što jana budzie tyčycca i raspaŭsiudnikaŭ narkotykaŭ. U minułyja hady siłaviki byli rašuča suprać taho, kab asudžanyja pa artykule 328 atrymali takuju źnižku ad dziaržavy, adnak ciapier padychody źmianilisia.
Miarkujecca, na 1 hod skaracić termin amal usim asudžanym za narkatyčnyja złačynstvy — aproč recydyvistaŭ i asudžanych pa č. 5 art. 328 (raspaŭsiud narkotykaŭ, jaki pryvioŭ da śmierci čałavieka).
Tyja ž, chto asudžanyja pa č. 4 art. 328 — raspaŭsiud narkotykaŭ u składzie arhanizavanaj hrupy — mohuć uvohule ličyć hety hod najvydatniejšym. Im zaraz skidajuć pa dva hady da prysudžanych terminaŭ za košt libieralizacyi zakanadaŭstva, a ciapier jość mahčymaść atrymać jašče i amnistyju na hod.
Siońnia stała viadoma, što ŭradam uniesieny ŭ parłamient zakonaprajekt «Ab amnistyi ŭ suviazi z 80-hodździem Pieramohi ŭ Vialikaj Ajčynnaj vajnie». Jana zakranie kala 8 tysiač asudžanych.
Pieralik asob, jakija całkam vyzvalajucca ad pakarańnia i inšych mier kryminalnaj adkaznaści, dapoŭnieny novaj katehoryjaj asob z peŭnymi zachvorvańniami. Ale što heta za katehoryja, nieviadoma.
Taksama prapanujecca raniej nie sudzimym asobam, jakija dasiahnuli 70-hadovaha ŭzrostu i asudžanym da pazbaŭleńnia voli na termin da šaści hadoŭ uklučna, zamianić pakarańnie bolš miakkim u vyhladzie abmiežavańnia voli biez nakiravańnia ŭ papraŭčuju ŭstanovu adkrytaha typu.
Taksama budzie prymianiacca častkovaja amnistyja ŭ vyhladzie skaračeńnia pakarańnia na adzin hod da asob, asudžanych za nieaściarožnyja złačynstvy, jakija pryviali da śmierci čałavieka.
Asnoŭnymi ŭmovami dla prymianieńnia amnistyi źjaŭlajucca poŭnaje pakryćcio škody, a taksama stanoŭčaja charaktarystyka asoby ŭ pieryjad adbyćcia pakarańnia.
Za apošnija piać hadoŭ u Biełarusi byli abvieščanyja čatyry amnistyi. Palitviaźniaŭ jany nie tyčylisia.
Azaronak napisaŭ pra palitemihranta — paśla hetaha brata i baćku taho kinuli za kraty2
Azaronak napisaŭ pra palitemihranta — paśla hetaha brata i baćku taho kinuli za kraty
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie66
Kamientary