«Гучыць не так ужо шмат, але гэта вельмі шмат». Трамп выказаўся пра пуцінскае трохдзённае перамір'е
Прэзідэнт ЗША Дональд Трамп пракаментаваў прапанову прэзідэнта Расіі Уладзіміра Пуціна ўсталяваць трохдзённае перамір'е ў сувязі са святкаваннем 80-годдзя Перамогі ў Другой сусветнай вайне.
«Я думаю, што мы прайшлі доўгі шлях і, магчыма, нешта адбудзецца, спадзяемся, што адбудзецца. Як вы ведаеце, прэзідэнт Пуцін толькі што абвясціў пра трохдзённае спыненне агню, што гучыць не так ужо шмат, але гэта вельмі шмат, калі вы ведаеце, з чаго мы пачыналі… У нас быў прэзідэнт, які тры гады не размаўляў з Пуціным», — заявіў Трамп.
На думку прэзідэнта ЗША, на фоне падзення цэнаў на нафту ЗША знаходзяцца ў добрым становішчы, каб дамовіцца аб заканчэнні вайны. Канфлікт пры гэтым нібыта хочуць урэгуляваць і Расія, і Украіна.
Акрамя таго, Трамп заявіў, што ведае, хто адказны за падрыў трубаправодаў «Паўночны паток», пасля таго, як яго спыталі, ці разглядае Вашынгтон магчымасць пачаць расследаванне таго, што адбылося.
«Верагодна, калі б я спытаў пэўных людзей, то я б змог сказаць вам [гэта], не марнуючы шмат грошай на расследаванне. Думаю, шмат хто ведае, хто гэта падарваў», — адказаў ён, дадаўшы, што Масква да гэтага не датычная.
АПЕК+ рэзка павялічвае здабычу нафты. Гэта ўдарыць па расійскім бюджэце
«Чырвоныя лініі»: Трамп адказаў, пры якіх умовах ЗША выйдуць з перамоў адносна вайны
Трамп паабяцаў увесці 100-працэнтныя пошліны на замежнае кіно і зноў адкрыць турму Алькатрас
Камісар ЕС: Еўрасаюз удвая павялічыць дапамогу Украіне, калі Трамп не пераканае Пуціна заключыць мір
Цяпер чытаюць
20-гадовая дзяўчына з Брэста запісала жартаўлівы тыкток пра смерць у ДТЗ — і ў той жа вечар разбілася7
Каментары