Служба бяспекі Украіны (СБУ) заявіла, што выкрыла шпіёнскую сетку, якая працавала супраць Украіны і была звязаная з вайсковай разведкай Венгрыі. Затрыманыя два былыя ўкраінскія вайскоўцы, якія, паводле СБУ, збіралі інфармацыю пра супрацьпаветраную абарону і грамадскія настроі ў Закарпацці. Іх курыраваў афіцэр венгерскай разведкі, чыя асоба ўжо ўстаноўленая.
Адзін з затрыманых быў завербаваны яшчэ ў 2021 годзе і з верасня 2024 года актыўна працаваў у якасці агента, збіраючы даныя пра месцазнаходжанне комплексаў С-300. Другі адсочваў паветраную тэхніку ў рэгіёне.
Падчас ператрусаў былі канфіскаваныя тэлефоны і іншыя доказы. СБУ апублікавала відэа са зняволенымі, дзе чуваць, як яны гавораць па-венгерску.
Гэта першы вядомы выпадак дзейнасці венгерскай шпіёнскай сеткі супраць Украіны. Сітуацыя абвастрае і без таго напружаныя адносіны паміж Кіевам і Будапештам, асабліва на фоне прарасійскай пазіцыі венгерскага прэм’ера Віктара Орбана.
Ізраільцяніна, які скардзіўся на тое, што беларуская жонка яму вельмі дорага абыходзіцца, асудзілі на 10 гадоў за шпіянаж
За Расію ва Украіне ваююць тысячы наймітаў з як мінімум паўсотні краін свету. Хто яны?
Чыноўнікам Еўрасаюза, якія адпраўляюцца ў ЗША, выдаюць аднаразовыя тэлефоны праз боязь шпіянажу
Каментары
Падобна на Крым да 14 ..толькі мадзьярскі.
АЛЕпа колькасці мадзьяр УВАГА толькі 12%