Міністр здароўя ЗША купаўся з унукамі ў рацэ, дзе гэта рабіць строга забаронена
Кіраўнік дэпартамента аховы здароўя і сацыяльных службаў ЗША Роберт Кэнэдзі-малодшы выклікаў хвалю абурэння пасля таго, як апублікаваў у сацсетцы X фатаграфіі з купання ў забруджаным ручаі разам з унукамі.
На апублікаваных Кенэдзі фота бачна, як ён праводзіць Дзень маці ў парку Рок-Крык у Вашынгтоне, дзе апускаецца ў ваду разам з дзецьмі.
«Паход да Дня маці з Амарылісам, Бобі, Кікам і Джэксанам і плаванне з маімі ўнукамі, Бобкетам і Касіем, у Рок-Крык», — гаворыцца ў ягоным пасце ў X.
Рок-Крык працякае праз паўночна-заходнюю частку акругі Калумбія (Вашынгтон). Падчас моцных дажджоў або непагадзі ў яго скідаюцца лішкі сцёкавых вод, таму вада там моцна забруджаная фекаліямі і бактэрыямі, піша The New York Times. Гэтыя бактэрыі могуць выклікаць дыярэю, інфекцыі мочавывадных шляхоў, а ў рэдкіх выпадках — сепсіс (заражэнне крыві).
Нацыянальная служба паркаў ЗША адкрытым тэкстам папярэджвае на сваім сайце:
«Купанне, прагулкі па вадзе і любыя водныя актыўнасці ў Рок-Крык — гэта рызыка для здароўя людзей (і жывёл)».
Тым не менш, Кенэдзі, які вядомы прыхільнасцю да канспіралагічных тэорый і скепсісам у дачыненні да звычайнай медыцыны, дазволіў купацца ў гэтым вадаёме ўнукам і акунаўся сам.
Кэнэдзі вядомы распаўсюджваннем канспіралагічных тэорый аб пандэміі COVID-19. Ён перакананы праціўнік вакцынацыі і ў мінулым прымяншаў небяспеку адру падчас успышак захворвання.
Цяпер чытаюць
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка3
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары
А калі б гэта быў "левак-сарасятнік", які з мужам гуляе з дзяцьмі мігрантаў, то напісалі б, што дурны дзед, рэчка ж брудная.
Калі чарговы відавочны касяк, то пачынаюць нудзіць пра іншае: тут размова пра ЗША і лапідарна геніяльнага міністра, але "толькі не гэта, давайце не будзем, Ганг індыйскі мне падавай!"