Ministr zdaroŭja ZŠA kupaŭsia z unukami ŭ race, dzie heta rabić stroha zabaroniena
Kiraŭnik departamienta achovy zdaroŭja i sacyjalnych słužbaŭ ZŠA Robiert Kenedzi-małodšy vyklikaŭ chvalu abureńnia paśla taho, jak apublikavaŭ u sacsietcy X fatahrafii z kupańnia ŭ zabrudžanym ručai razam z unukami.
Na apublikavanych Kienedzi fota bačna, jak jon pravodzić Dzień maci ŭ parku Rok-Kryk u Vašynhtonie, dzie apuskajecca ŭ vadu razam ź dziećmi.
«Pachod da Dnia maci z Amarylisam, Bobi, Kikam i Džeksanam i płavańnie z maimi ŭnukami, Bobkietam i Kasijem, u Rok-Kryk», — havorycca ŭ jahonym paście ŭ X.
Rok-Kryk praciakaje praz paŭnočna-zachodniuju častku akruhi Kałumbija (Vašynhton). Padčas mocnych daždžoŭ abo niepahadzi ŭ jaho skidajucca liški ściokavych vod, tamu vada tam mocna zabrudžanaja fiekalijami i bakteryjami, piša The New York Times. Hetyja bakteryi mohuć vyklikać dyjareju, infiekcyi močavyvadnych šlachoŭ, a ŭ redkich vypadkach — siepsis (zaražeńnie kryvi).
Nacyjanalnaja słužba parkaŭ ZŠA adkrytym tekstam papiaredžvaje na svaim sajcie:
«Kupańnie, prahułki pa vadzie i lubyja vodnyja aktyŭnaści ŭ Rok-Kryk — heta ryzyka dla zdaroŭja ludziej (i žyvioł)».
Tym nie mienš, Kienedzi, jaki viadomy prychilnaściu da kanśpirałahičnych teoryj i skiepsisam u dačynieńni da zvyčajnaj miedycyny, dazvoliŭ kupacca ŭ hetym vadajomie ŭnukam i akunaŭsia sam.
Kenedzi viadomy raspaŭsiudžvańniem kanśpirałahičnych teoryj ab pandemii COVID-19. Jon pierakanany praciŭnik vakcynacyi i ŭ minułym prymianšaŭ niebiaśpieku adru padčas uspyšak zachvorvańnia.
Hałyhina prymusili apraŭdvacca za zvarot da siłavikoŭ u 2020-m17
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary
A kali b heta byŭ "levak-sarasiatnik", jaki z mužam hulaje ź dziaćmi mihrantaŭ, to napisali b, što durny dzied, rečka ž brudnaja.
Kali čarhovy vidavočny kasiak, to pačynajuć nudzić pra inšaje: tut razmova pra ZŠA i łapidarna hienijalnaha ministra, ale "tolki nie heta, davajcie nie budziem, Hanh indyjski mnie padavaj!"