Камера зафіксавала нечаканы момант паміж прэзідэнтам Францыі Эмануэлем Макронам і яго жонкай падчас іх прыбыцця ў В'етнам. Жэст першай лэдзі, што выклікаў розныя інтэрпрэтацыі, імгненна распаўсюдзіўся ў сацсетках і стаў аб’ектам спекуляцый.
Першая лэдзі Францыі Брыжыт Макрон рэзка дакранулася да твару прэзідэнта Францыі Эмануэля Макрона на борце самалёта, які прызямліўся ў аэрапорце Ханоя 25 мая, паведамляе Le Figaro.
Агенцтва Associated Press зняло на відэа, як адкрываюцца дзверы прэзідэнцкага самалёта, пасля чаго Брыжыт Макрон, якую цалкам не відаць, дакранаецца рукой да твару мужа.
Прэзідэнт Францыі выглядае здзіўленым, але пасля гэтага вітаецца махам рукі. Калі пара рыхтуецца спусціцца па трапе, Макрон працягвае руку жонцы, але яна адмаўляецца яе прыняць.
Відэа шырока разышлося ў сацсетках. Першапачаткова ў Елісейскім палацы адмаўлялі сапраўднасць відэазапісу. Затым крыніца Le Figaro, блізкая да атачэння Макрона, паведаміла, што паміж парай адбылася «банальная сварка».
Крыніца назвала гэта звычайнай «пяшчотнай перапалкай» паміж мужам і жонкай перад пачаткам афіцыйнай паездкі, момант блізкасці і расслаблення, які некаторыя скарысталі для распальвання змоваў.
Паездка прэзідэнта Францыі прадугледжвае візіты ў В'етнам, Інданезію і Сінгапур.
Цяпер чытаюць
Фатограф-агент з двума пашпартамі здымае беларусаў і іх мерапрыемствы ў Варшаве10
Каментары
А потым гэткія жонкі шчыра не разумеюць, чаму прылятае ў адказ і распачынаюць фем-ёньчаньне пра "піў/біў/не ўдзяляў увагі". Гендарная роўнасць пачнецца тады, калі будзе аднолькавая адказнасьць за ўчынкі ў незалежнасьці ад гендару. Але фемсуполке такая справядлівасьць і роўнасць не патрэбная. Уявіце сабе, які лямант распачаўся б, калі б сітуацыя была адваротная і па твары ляснўлі гэтай Брыджыт? Пэўна, ужо б патрабавалі адстаўкі Макрона. А так усё звядзецца да "хі-хі, ха-ха", "яна ж дзяўчынка".