Ірландзец, які тэсціраваў беларускія сталоўкі, паехаў з Беларусі
У Беларусі Найл Доэрці пражыў 10 гадоў. Аб прычынах ад'езду ён расказаў у новым відэа на сваім ютуб-канале, якое запісаў ужо ў Ірландыі.
Блогер з Ірландыі Найл Доэрці дзесяць гадоў пражыў у Мінску. Пад нікам Irish Partizan ён публікаваў агляды на розныя беларускія сталовыя. А таксама здымаў відэа з розных гарадоў, святкавання Дня Незалежнасці.
Нядаўна Доэрці з'ехаў з нашай краіны.
Па словах Найла, сваё першае відэа аб Беларусі ён выклаў яшчэ ў 2019 годзе. І яно было прысвечана святкаванню Дню Перамогі ў Гомелі.
«Я выкарыстоўваў свой канал, каб весці відэаблог і дакументаваць штодзённае жыццё ў Беларусі — жыццё ірландца, які жыве і працуе ў Беларусі, у Мінску. З цягам часу я стаў кімсці накшталт Mr.Minsk. Шмат хто звяртаўся да мяне і казаў, што знайшоў ува мне вялікую крыніцу натхнення», — расказвае Доэрці і заўважае: «Але, як кажуць, усе падарожжы ў рэшце рэшт павінны калі-небудзь скончыцца».
Паводле яго слоў, сур’ёзныя змены пачаліся яшчэ ў канцы мінулага года. На Каляды яго канал страціў магчымасць манетызавацца праз санкцыі Google супраць Беларусі, што азначала страту даходу з YouTube. Але гэта, па словах блогера, не стала пачаткам праблем.
Найл кажа, што раней падпісчыкі скардзіліся на тэхнічныя збоі — іх аўтаматычна адпісвалі ад канала, а каментарыі не адлюстроўваліся.
«Кожны раз, калі я выкладваў новае відэа, я страчваў у сярэднім ад 20 да 25 падпісчыкаў — з кожным відэа. І гэта страшэнна засмучала», — жаліцца Доэрці.
Акрамя праблем з YouTube, у асабістым жыцці Найла таксама адбыліся змены. У сярэдзіне сакавіка ён быў звольнены з ІТ-кампаніі, у якой працаваў. Пасля гэтага блогер прыняў прапанову працы ў новай краіне.
Найл пакуль не называе краіну, куды пераязджае, аднак кажа, што гэта не Расія, хоць ён некалькі разоў згадваў яе на сваім канале.
«Так, я пакідаю Беларусь. Дзесяць гадоў жыцця. Так, гэта крыху сумна. Але прыйшоў час ісці далей. Пачынаецца новы раздзел — поўны надзей і адкрыццяў».
Ірландзец тэсціруе беларускія сталоўкі. Вось якой з іх прапаноўвае даць мішленаўскую зорку
Замежнік упершыню хацеў наведаць Беларусь, але яго не пусцілі ў краіну за карцінку з Лукашэнкам на тэлефоне
«Я наведаў самую ізаляваную краіну Еўропы». Амерыканскі блогер расказаў, як прыязджаў у Беларусь у 2020-м і 2024-м
Пакалечаная ў Дубаі ўкраінская мадэль сцвярджае, што адным з яе катаў быў 28-гадовы беларускі тэмшчык. Вось што пра яго вядома15
Каментары