Кітайскі конік, які з'явіўся ў выніку браку вытворчасці, стаў вірусным хітом сезона
У Кітаі цацка Cry-Cry Horse — плюшавы конік з сумным выразам твару — нечакана стаў вірусным хітом у інтэрнэце. Гэтую цацку вырабілі на фабрыцы ў Іу, вядомым гандлёвым цэнтры ўсходняга Кітая, і спачатку гэта быў проста памылка пры шыцці: у аднаго з конікаў рот аказаўся перавернутым і замест звычайнай усмешкі конік набыў сумны выгляд, піша кітайскае агенцтва Xinhua.
Аднак карыстальніца, якая заўважыла гэта, падзялілася здымкам у сацсетках, і цацка закранула сэрцы людзей сваім сумным, але мілым выглядам. Людзі сталі замаўляць яе як спосаб эмацыйнай разрадкі і сімвал таго, што страты могуць ператварыцца ў перамогу — у традыцыі старажытнага кітайскага апавядання пра чалавека, які страціў каня, але потым атрымаў яшчэ больш коней.
Паводле слоў Хуацін Чжан, кіраўніцы фабрыкі плюшавых цацак Happy Sister, памылка стала магчымасцю для бізнэсу: за 48 гадзін яны павялічылі вытворчасць з дзвюх да дзесяці ліній, ужо пададзены патэнт на дызайн. Раней фабрыка выпускала каля 400 такіх цацак у дзень, а цяпер — да 15 000 штук, але попыт усё адно цяжка задаволіць.
Цацкі прадаюцца і за мяжой, уключаючы Расію і Паўднёвую Афрыку, і многія купляюць іх парамі: адна вясёлая, другая — сумная. Кошт за адзінку застаецца 25 юаняў (каля 3,6 даляра ЗША).
Папулярнасць Cry-Cry Horse паказвае пераход ад практычнай каштоўнасці да эмацыйнай: людзі шукаюць рэалістычныя, нават недасканалыя сімвалы, якія дапамагаюць зняць стрэс. Спецыялісты таксама адзначаюць, што поспех стаў магчымы дзякуючы хуткай і гнуткай ланцуговай вытворчасці Іу, якая дазволіла назвычай хутка перапраектаваць і маштабаваць вытворчасць.
Магчымыя будучыя праекты фабрыкі — пашыраная лінейка з іншымі «сумнымі жывёламі», напрыклад, Cry-Cry Sheep.
20 рэчаў, ад якіх трэба пазбавіцца проста цяпер, каб пачаць год з лёгкасцю
Стала вядома, якая навагодняя цацка стала сёлетнім лідарам продажаў у Беларусі
Табун навагодніх коней: што можна купіць на Камароўцы ў снежні
У Брэсце жанчына з дапамогай ШІ стварыла ялінкавыя цацкі з мясцовымі славутасцямі. Людзям спадабалася
Цяпер чытаюць
Уводзяць адказнасць за прапаганду гомасэксуальнасці, бяздзетнасці, а таксама за незаконнае прадстаўленне Беларусі на міжнароднай арэне9
Каментары