Брытанскія журналісты адшукалі ў кітайскай правінцыі 3-гадовае дзіця, якое важыць каля 60 кг.
Брытанскія журналісты адшукалі ў кітайскай правінцыі Гудун трохгадовае дзіця, якое важыць каля 60 кілаграмаў.
Лу Хаа практычна не мае зносінаў з іншымі дзецьмі, бо падчас гульні можа іх пакалечыць.
Ён не любіць хадзіць, затое за адзін прысест з’ядае некалькі місак рысу і плача, калі не атрымлівае патрабаванай порцыі. Цяпер Лу Хаа важыць у пяць разоў больш, чым трэба дзіцяці ў яго ўзросце. Хоць нарадзіўся хлопчык з нармальнымі 2,6 кілаграмамі, у тры месяцы ён пачаў імкліва набіраць вагу. Бацькі мяркуюць, што гэта звязана з гарманальным расстройствам. Аднак дактары да гэтага часу не прыйшлі да адзінага меркавання, чаму дзіця ўвесь час просіць есці. Некаторыя мяркуюць, што ў яго мозгу пухліна.
Бацькі баяцца, што сэрца сына аднойчы не вытрымае залішняй нагрузкі, таму спрабуюць прымусіць Хаа хоць неяк рухацца. У мінулым годзе хлопчыку ўдалося схуднець на дзесяць кілаграмаў. Але заняткі спортам для яго непрымальныя, бо пасля іх дзіця патрабуе яшчэ болей ежы.
Каментары