Калінкіна: Спадзяюся, што для гебельсаўскай журналістыкі ў краіне застаюцца апошнія часы
30 чэрвеня ў Вышэйшым гаспадарчым судзе працягнуўся разгляд касацыйнай скаргі рэдакцыі газеты «Народная воля» на папярэджанне Міністэрства інфармацыі, вынесенае за публікацыю артыкула «Гаворыць і паказваеГебельс-ТВ ». Нагадаем, гэты артыкул быў прысвечаны фільму «Плошча. Жалезам па шкле».
«Сёння было даволі дзіўнае судовае пасяджэнне, — расказала БелаПАН намеснік рэдактара газеты і аўтар артыкула Святлана Калінкіна. — Таму што прадстаўнікі Нацыянальнай тэлерадыёкампаніі, шчыра кажучы, не маглі адказаць ні на адно пытанне. У мяне нават стварылася ўражанне, што яны і не лічылі неабходным гэта рабіць. Напэўна, яны ўпэўненыя, што, паколькі яны прадстаўляюць дзяржаўную структуру, то суд заўсёды будзе на іхным баку. Але я спадзяюся, што суд будзе
На думку Святланы, чым больш часу праходзіць, тым больш цвяроза глядзіш на гэты фільм і больш разумееш, што «такой журналістыкі ў цывілізаваных краінах быць не павінна — такой тэндэнцыйнай, такой адыёзнай і такой ілжывай».
Кіраўніцтву тэлерадыёкампаніі не спадабалася, што такія метады працы журналістыкі аўтар артыкула назвала «гебельсаўскімі». «Але менавіта Гебельс, — нагадвае Калінкіна, — стварыў падмурак для палітычнай прапаганды, сфармуляваў асновы прапагандысцкай журналістыкі. Яна асуджаецца ва ўсіх цывілізаваных краінах, акрамя дыктатур. Спадзяюся, што для такой журналістыкі ў краіне застаюцца апошнія часы, і беларуская журналістыка будзе, як ва ўсім свеце, аб’ектыўнай і ўсебаковай».
На сённяшнім пасяджэнні праглядаўся фільм «Плошча. Жалезам па шкле», былі заслуханыя абодва бакі па сутнасці справы,
ніякага рашэння суд не прыняў.
-
«Народ памірае, і бальніц не трэба. Галоўнае прэзідэнцкая і дэпутацкая!!!». Што людзі пішуць пра закрыццё рэабілітацыйнага цэнтра на Гомельшчыне
-
«І зноў кульгавы дыябетык з пастаяннай задышкай выжыльваецца ды пнецца паказаць, што ён не толькі гігант думкі»
-
Тактыка «мір праз сілу» — прывілея вялікіх дзяржаў. Што паказвае гісторыя з шарамі на беларуска-літоўскай мяжы
Каментары