ЗША заклікалі беларускія ўлады неадкладна вызваліць Алеся Бяляцкага
А таксама яшчэ больш за 40 палітычных зняволеных.
А таксама яшчэ больш за 40 палітычных зняволеных.
«Мы вельмі занепакоеныя арыштам Бяляцкага, які з’яўляецца выдатным барацьбітом за правы чалавека і кіраўніком НДА “Вясна” — адной з усяго толькі двух праваабарончых арганізацый Беларусі», — заявіў на брыфінгу 8 жніўня прадстаўнік Дзярждэпартамента Марк Тонар. «ЗША заклікаюць урад Беларусі неадкладна і без усялякіх умоваў вызваліць Бяляцкага, а таксама яшчэ больш за 40 палітычных зняволеных», — цытуюць тонара РІА Новості.
Паводле яго слоў, няўрадавыя арганізацыі, такія як «Вясна», гуляюць крытычную ролю ў любым дэмакратычным грамадстве, а арышт Бяляцкага штурхае Беларусь яшчэ бліжэй да самаізаляцыі і сведчыць аб парушэнні стандартаў дэмакратыі, правоў чалавека і вяршэнства закона.
Кіраўнік незарэгістраванага праваабарончага цэнтра «Вясна» Алесь Бяляцкі быў затрыманы і заключаны пад варту 4 жніўня. Ён з’яўляецца падазраваным па справе, распачатай па ч. 2 арт. 243 КК (ухіленне ад выплаты сум падаткаў, збораў у асабліва буйным памеры).
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення12
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher22
Каментары