ZŠA zaklikali biełaruskija ŭłady nieadkładna vyzvalić Alesia Bialackaha
A taksama jašče bolš za 40 palityčnych źniavolenych.
A taksama jašče bolš za 40 palityčnych źniavolenych.
«My vielmi zaniepakojenyja aryštam Bialackaha, jaki źjaŭlajecca vydatnym baraćbitom za pravy čałavieka i kiraŭnikom NDA “Viasna” — adnoj z usiaho tolki dvuch pravaabarončych arhanizacyj Biełarusi», — zajaviŭ na bryfinhu 8 žniŭnia pradstaŭnik Dziarždepartamienta Mark Tonar. «ZŠA zaklikajuć urad Biełarusi nieadkładna i biez usialakich umovaŭ vyzvalić Bialackaha, a taksama jašče bolš za 40 palityčnych źniavolenych», — cytujuć tonara RIA Novosti.
Pavodle jaho słoŭ, niaŭradavyja arhanizacyi, takija jak «Viasna», hulajuć krytyčnuju rolu ŭ lubym demakratyčnym hramadstvie, a aryšt Bialackaha šturchaje Biełaruś jašče bližej da samaizalacyi i śviedčyć ab parušeńni standartaŭ demakratyi, pravoŭ čałavieka i viaršenstva zakona.
Kiraŭnik niezarehistravanaha pravaabarončaha centra «Viasna» Aleś Bialacki byŭ zatrymany i zaklučany pad vartu 4 žniŭnia. Jon źjaŭlajecca padazravanym pa spravie, raspačataj pa č. 2 art. 243 KK (uchileńnie ad vypłaty sum padatkaŭ, zboraŭ u asabliva bujnym pamiery).
Kamientary