Віцэ‑прэм’ер Сямашка сёньня канкрэтызаваў бачаньне ўраду, якую менавіта нафту плянуецца пастаўляць як альтэрнатыву расейскай.
Беларусь цераз чатыры гады мае намер актыўна супрацоўнічаць па праектах у нафтавай сфэры з Вэнэсуэлай. Пра гэта заявіў сёньня першы віцэ‑прэм’ер Уладзімер Сямашка на калегіі Міністэрства прамысловасьці.
«Мы будзем разбаўляць расейскую нафту вэнэсуэльскай», ‑ сказаў ён. Ён таксама адзначыў важную ролю дывэрсыфікацыі экспарту беларускіх тавараў. «Формула нашага выжываньня ў тым, што мы павінны ўмець прадаваць сваю працу. Пакуль мы яшчэ не навучыліся гэтага рабіць», ‑ мяркуе Сямашка. Беларуская прадукцыя канкурэнтназдольная па цане, сэрвісе, якасьці. Але неабходна прпанаваць сваю прадукцыю на рынку па максімальным кошце. Цяпер мы прадаем сваю працу танна, ‑ сказаў Уладзімер Сямашка.
Цяпер чытаюць
«Шкада, што людзі мяне лічаць такім ідыётам». Дзядок расказаў, як яго змаглі высачыць пасля пяці месяцаў падполля3
Каментары