Палітвязня-«хіміка» адпусцілі першы за паўгода адпачынак, і заўтра ў сямейным коле ён адзначыць сваё
Але настрой зусім не святочны, кажа Павел, і думкі зусім пра іншае:
«Які настрой… Я прыехаў дахаты, да бацькоў, хоць і з хіміі, і ўсяго на пару дзён. Але шмат каму ў гэты час нашмат цяжэй: ад Андрэя Саннікава, які адбывае зняволенне тут, пад Віцебскам, не даходзяць лісты. У Глыбоцкай турме пад вартай палітвязень Зміцер Дашкевіч. Тут, у віцебскім СІЗА, трымаюць Сяргея Каваленку, гэта яшчэ адзін палітвязень… Мяркую, што за тыя колькі дзён, колькі я буду ў Віцебску, трэба неяк дапамагчы і зняволеным, і іх сем’ям».
30 снежня ў Паўла дзень народзінаў. Ён мяркуе, што гэта й стала галоўнай падставай, каб яго ўрэшце адпусцілі ў адпачынак: адміністрацыя спецкамендатуры № 7 дазволіла яму паездку дахаты, каб пазбегнуць масавага прыезду гасцей — апазіцыйных актывістаў.
Увечары 28 снежня сябры адвезлі Паўла Севярынца ў Мінск, за пару гадзінаў ён правёў некалькі сустрэчаў, і ўрэшце, а палове шостай раніцы 29 снежня прыехаў цягніком
Ён выбачаўся за першае кароткае інтэрв’ю пасля бяссоннай ночы, але перш чым паехаць дахаты адпачываць, накіраваўся «адзначацца» ў Першамайскі РАУС. Потым ён мусіць паведаміць у сваю спецкамендатуру, што дабраўся да Віцебска без прыгодаў.
Але нават адзначыць навагоднія святы разам з сям’ёй палітвязню не ўдасца:1 студзеня ён мусіць быць зноў на «хіміі» , так што выехаць з Віцебска давядзецца 31 снежня ў 23.43, за некалькі хвілінаў да Новага года, які сустрэне ўжо ў цягніку, па дарозе на Брэстчыну.
16 траўня 2011 Павел Севярынец быў асуджаны за арганізацыю паслявыбарчых пратэстаў на тры гады «хіміі» і быў накіраваны адбываць пакаранне ў вёску Куплін Пружанскага раёна Брэсцкай вобласці.
Цяпер чытаюць
Што вядома пра затрыманых радыёаматараў, якім пагражае аж да расстрэлу12
Каментары