Сёньня Аляксандар Мілінкевіч пацьвердзіў свой намер ня ўдзельнічаць у кангрэсе дэмакратычных сілаў. Камэнтуючы агенцтву БелаПАН учорашні заклік Рады інтэлігенцыі, якая выказалася за ўдзел у кангрэсе лідэраў усіх дэмакратычных сіл, у тым ліку і Мілінкевіча, былы кандыдат у прэзыдэнты сказаў, што «інтэлігенцыя не разумее, што такое ратацыя» [прынцып ратацыйнага кіраўніцтва дэмакратычнай апазыцыяй, якую лідэры партый спрабуюць зацьвеодзіць шляхам скліканьня Кангрэсу], і што ён гатовы да канкурэнцыі, але ў гэтым кангрэсе ўдзельнічаць ня будзе.
Канфлікт у беларускай апазыцыі і верагодную рэакцыю на яго Эўропы мы папрасілі пракамэнтаваць аналітыка Радыё Свабода Яна Максімюка. Максімюк: «Рэакцыя можа быць толькі нэгатыўная. Цяпер беларуская апазыцзыя мае шанец, якога ня мела шмат гадоў, у сувязі з новай палітычнай сытуацыяй паміж Беларусьсю і Расеяй і ў сувязі з тым, што беларускі прэзыдэнт зрабіў, прынамсі, слоўныя намёкі на тое, што хоча паправіць адносіны з Захадам. Беларуская апазыцыя мае адзін вялікі козыр, а менавіта тое, што яна магла б выступіць як пасярэднік пры наладжваньні такіх сувязяў афіцыйнага Менску з Брусэлем. Я думаю, што гэты козыр могуць вельмі лёгка страціць менавіта такімі разборкамі, якія пайшлі цяпер у асяродку беларускай апазыцыі, сярод Рады дэмакратычных сілаў, дзе фактычна ідзе вельмі непрыгожае і непрыемнае змаганьне за тое, хто мае быць лідэрам і рэпрэзэнтаваць беларускую апазыцыю перад Брусэлем».
Фота rferl.org
-
«Народ памірае, і бальніц не трэба. Галоўнае прэзідэнцкая і дэпутацкая!!!». Што людзі пішуць пра закрыццё рэабілітацыйнага цэнтра на Гомельшчыне
-
«І зноў кульгавы дыябетык з пастаяннай задышкай выжыльваецца ды пнецца паказаць, што ён не толькі гігант думкі»
-
Тактыка «мір праз сілу» — прывілея вялікіх дзяржаў. Што паказвае гісторыя з шарамі на беларуска-літоўскай мяжы
Модная мінская кавярня «Маркс» трапіла ў скандал: адтуль папрасілі сысці жанчыну, якая малявала. Але ўсё не так адназначна18
Каментары