Улады Салігорска дазволілі пабудаваць гандлёвыя павільёны пасярод двара, але жыльцы катэгарычна супраць.
Салігорскія ўлады ўжо некалькі год запар укараняюць практыку ўшчыльнення гарадской забудовы. Замест школьных стадыёнаў, дваравых дзіцячых пляцовак і аўтапарковак з’яўляюцца новыя панэльныя шматпавярховікі ды аб’екты гандлю.
Плануючы ўзвядзенне новых аб’ектаў, з самімі гараджанамі, натуральна, ніхто не раіцца. Жыхары дамоў 3а і 5а, што на праспекце Міру ў Салігорску, з такой палітыкай не пагадзіліся і ўступлі ў адкрытую барацьбу з уладамі і бізнесам супраць будаўніцтва гандлёвага павільёна ў двары іх дому.
З’яўленне першых будаўнікоў два тыдні таму выклікала самую негатыўную рэакцыю насельнікаў бліжэйшых шматпавярховікаў.
Каля сарака чалавек выйшлі на вуліцу і пачалі наўпрост перашкаджаць будаўнічым працам.Прыезд замоўцы, які яшчэ год назад набыў на аўкцыёне гэты кавалак зямлі ды ўзгадніў праект будаўніцтва з Салігорскім выканкамам, сітуацыю не вырашыў.
Усе далейшыя спробы правядзення падрадных працаў сканчваліся фактычна фізічным супрацьстаяннем - жыхары літаральна аблівалі будаўнікоў кіпнем з вокнаў сваіх кватэр.
У выніку салігорцы сабралі подпісы супраць будаўніцтва ды накіравалі іх у мясцовы выканкам. У мінулую пятніцу адбылася сустрэча намесніцы старшыні Салігорскага райвыканкама Ірыны Зубарэвіч з жыхарамі ўзбунтаваных дамоў. Вынікам сустрэчы стала рашэнне аб спыненні будаўніцтва гандлёвага павільёна ў дадзеным месцы.
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары