Прэзідэнт Расіі таксама раскрытыкаваў кіраўніцтва краін Балтыі і Міхаіла Саакашвілі.
Прэзідэнт Расіі Дзмітрый Мядзведзеў назваў прэзідэнта Грузіі Міхаіла Саакашвілі «нулём» і «пустым месцам», адказваючы на пытанне журналісткі Марыяны Максімоўскай пра знешнюю палітыку Расіі ў апошнія гады.
«Саакашвілі — пустое месца. Нуль. Рана ці позна ён сыдзе з палітыкі, — заявіў Мядзведзеў. — Грузія — блізкая нам краіна, грузінскі народ — вельмі блізкі нам. Мы яго любім і неаднаразова яго ратавалі», — дадаў ён.
Мядзведзеў таксама раскрытыкаваў дзеянні ўладаў краін Балтыі.
«Мы, вядома, вялікія, а яны маленькія. Але не трэба хаміць, падтрымліваць нацыяналістычную пазіцыю… Мы гістарычна звязаныя, мы эканамічна моцна звязаныя», — заявіў Мядзведзеў, дадаўшы, што «не трэба бачыць у Расіі страшнага мядзведзя, які можа разарваць маленькія краіны».
Кажучы пра адносіны з Беларуссю, Мядзведзеў назваў Аляксандра Лукашэнку «чалавекам няпростым, эмацыйным», аднак адзначыў яго заслугі за падтрымку ідэі стварэння Еўразійскай эканамічнай супольнасці.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА117
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары