Купалаўцы прэзентавалі ютуб-прэм’еру праекта па творах палітвязняў — выйшла вельмі кранальна
На ютубе «Вольных Купалаўцаў» з’явіўся новы відэапраект — «Слова з-за кратаў». Гэта стужка жывых малюнкаў, заснаваная на шэрагу твораў і лістоў беларускіх палітвязняў.
«Гэты праект пра наша яднанне. Яднанне тых беларусаў, што апынуліся ў няволі, і тых, што былі вымушаныя з’ехаць за мяжу, тых, хто намагаецца жыць далей у роднай краіне, і тых, каго, на жаль, мы страцілі назаўжды», — тлумачаць акцёры.
Магічны візуальны шэраг для праекта падрыхтавала мастачка Аляксандра Канафальская, а музыку напісаў кампазітар Эрык Арлоў-Шымкус.