Мінчанку аштрафавалі за тое, што яна пабіла свайго сына
Суд Савецкага раёна Мінска аштрафаваў мясцовую жыхарку за тое, што яна «злёгку ўдарыла свайго сына па ягадзіцах», піша прэс-служба Генеральнай пракуратуры.
Здарэнне адбылося ў кастрычніку 2024 года. Як паведамляе пракуратура, 30-гадовая мінчанка пабіла свайго 7-гадовага сына — у яго засталіся ранкі, кровападцёкі і драпіны.
Пашкоджанні заўважыла класная кіраўнічка хлопчыка і медсястра, да якой прывялі школьніка на агляд. Хлапчук пацвердзіў, што пабіла яго мама.
Па версіі жанчыны, яна не біла сына, а толькі «злёгку ўдарыла яго па ягадзіцах».
Суд прызнаў яе вінаватай у наўмысным прычыненні цялеснага пашкоджання (частка 2 арт. 10.1 КаАП) і абавязаў выплаціць штраф — 126 рублёў.
Чытайце таксама:
На 11-гадовага хлопчыка ўпалі футбольныя вароты, ён шпіталізаваны
Падлетку са Жлобіна далі хатнюю хімію за тое, што сарваў дзяржаўны сцяг