Макрон аднавіў практыку шматгадзінных размоў з Пуціным
Прэзідэнт Францыі Эмануэль Макрон і прэзідэнт Расіі Уладзімір Пуцін 1 ліпеня ўпершыню за тры гады правялі тэлефонную размову. У Крамлі пацвердзілі, што гутарка адбылася, тое ж зрабілі ў Елісейскім палацы ў Парыжы.
Як паведамляецца, размова працягвалася больш за дзве гадзіны.
Паводле французскага выдання Le Monde, Макрон заклікаў Пуціна як мага хутчэй спыніць агонь ва Украіне. У адказ Пуцін зноў абвінаваціў Захад у тым, што той шмат гадоў фармаваў ва Украіне «антырасійскую пляцоўку» і цяпер зацягвае вайну.
Таксама бакі абмяркоўвалі іранскую ядзерную праграму. Абодва палітыкі выказаліся за тое, каб вырашаць гэты канфлікт палітычна-дыпламатычнымі метадамі.
Макрон падкрэсліў, што Францыя падтрымлівае незалежнасць і тэрытарыяльную цэласнасць Украіны, і яшчэ раз запатрабаваў неадкладнага спынення агню.
Паводле паведамлення агенцтва France Press, Макрон мае намер і далей падтрымліваць кантакт з Пуціным.
Паведамляецца таксама, што пасля кантакту з Пуціным Эмануэль Макрон патэлефанаваў прэзідэнту Украіны Уладзіміру Зяленскаму і пераказаў яму змест размовы.
Чытайце таксама:
НАТА перастане дзяліцца дэталямі вайсковай дапамогі Украіне. Зразумелі, што гэта дапамагае Пуціну
Макрон заклікаў стварыць «кааліцыю незалежных» і не глядзець на Вашынгтон і Пекін
Макрон заклікаў ЗША ўвесці санкцыі супраць Расіі, калі яна не гатовая да міру