Блогеркі масава запісваюць відэа ў шалёнай позе на шпільках. Што адбываецца?

Новы трэнд захапіў сацсеткі. Жанчыны робяць фоты ці запісваюць відэа таго, як яны сядзяць у дзіўнай позе — на кукішках, пры гэтым закінуўшы адну нагу на другую. Як гэта разумець?

Фота: anastasia_kaminskaya, julia_blackkcat / Instagram

Кадры, пра якія ідзе гаворка — частка трэнда пад назвай #nickiminajchallenge. Свет абавязаны ім амерыканскай рэп-спявачцы Нікі Мінаж, а дакладней, яе кліпу 2013 года на песню High School.

У адным з кадраў гэтага роліка Мінаж сядзіць на кукішках на высачэзных абцасах, закінуўшы нагу на нагу. Вось як гэта выглядае:

Скрын: Nicki Minaj / Youtube

І хаця відэа ўжо шмат гадоў, тыктокеры нейкім чынам зноў на яго натрапілі, ды яшчэ і ўскладнілі позу: у цяперашнім варыянце трэба падняць адну нагу.

Цяпер блогеркі запісваюць відэа з тым, як яны сядзяць у гэтай позе, і ставяць хэштэг #nickiminajchallenge. Больш вынаходлівыя яшчэ і паказваюць, як яны ў гэтай позе быццам бы нязмушана займаюцца простымі рэчамі — напрыклад, п'юць каву. А самыя арыгінальныя ставяць пад адзіную апорную нагу высокі прадмет накшталт вазы і ўвогуле ладзяць увесь гэты чэлендж на стале, што робіць яго яшчэ менш бяспечным.

Адна з такіх блогерак — беларуска Настасся Камінская. Вось што ў яе атрымалася:

View this post on Instagram

A post shared by НАСТЯ КАМИНСКАЯ/МАМА ДВОЙНИ+1 (@anastasiya_kaminskaya)

Блогерка і мінская бізнэсвумен Юлія Кабякова зрабіла відэа без абцасаў, але ўсё роўна атрымалася ўражліва:

View this post on Instagram

A post shared by Юлия Кобякова (@julia_blackkcat)

Па хэштэгу #nickiminajchallenge можна знайсці ў тыктоку шмат іншых варыянтаў той самай позы. Каб паўдзельнічаць, не абавязкова нават адрывацца ад працы:

@der_opbro Nicki Minaj OP -Edition #nickiminaj #trend #ota #ata #operationstechnischeassistentin #krankenhaus #pflege #ornurse #surgery #surgeon #delmenhorst ♬ Originalton - der_opbro

Часам дзеля яркага роліка даводзіцца прасіць блізкіх пра дапамогу — ці хаця б пра тое, каб не перашкаджалі:

@collebrusco_crew It's not clocking to you that she's standing on business... mom business ✨ #CollebruscoCrew #MomsofTikTok #momlife #sahm ♬ High School - Nicki Minaj

А гэтая блогерка вырашыла запісаць ролік для чэленджу разам са сваёй 62-гадовай мамай. Яна ўпэўнівае, што перагорнутая кніга ў руках яе маці не павінна бянтэжыць — маўляў, жанчына ўмее чытаць і такім чынам:

@hauteofftherack Don’t worry she actually knows how to read upside down… And yes, this is harder than it looks as is the balancing act of juggling motherhood, marriage, work-life, kids, social life, health, fitness, friendships… need I go on? But we out here standing on business! #nickiminajchallenge #motherdaughter #nickiminaj ♬ High School - Nicki Minaj

Калі чэлендж вам спадабаўся, не спяшайцеся запісваць аналагічны ролік — гэта можа быць небяспечна. Прыклад — гісторыя 32-гадовай расіянкі. Жанчына паставіла на стол рондаль, а на рондаль — банку з дзіцячай сумессю, абула шпількі і ўстала адной нагой на гэтую канструкцыю. Але ўтрымацца яна не здолела і ўпала на падлогу. Вынік — пералом хрыбетніка.

Каментары да артыкула