Błohierki masava zapisvajuć videa ŭ šalonaj pozie na špilkach. Što adbyvajecca?

Novy trend zachapiŭ sacsietki. Žančyny robiać foty ci zapisvajuć videa taho, jak jany siadziać u dziŭnaj pozie — na kukiškach, pry hetym zakinuŭšy adnu nahu na druhuju. Jak heta razumieć?

Fota: anastasia_kaminskaya, julia_blackkcat / Instagram

Kadry, pra jakija idzie havorka — častka trenda pad nazvaj #nickiminajchallenge. Śviet abaviazany im amierykanskaj rep-śpiavačcy Niki Minaž, a dakładniej, jaje klipu 2013 hoda na pieśniu High School.

U adnym z kadraŭ hetaha rolika Minaž siadzić na kukiškach na vysačeznych abcasach, zakinuŭšy nahu na nahu. Voś jak heta vyhladaje:

Skryn: Nicki Minaj / Youtube

I chacia videa ŭžo šmat hadoŭ, tyktokiery niejkim čynam znoŭ na jaho natrapili, dy jašče i ŭskładnili pozu: u ciapierašnim varyjancie treba padniać adnu nahu.

Ciapier błohierki zapisvajuć videa z tym, jak jany siadziać u hetaj pozie, i staviać chešteh #nickiminajchallenge. Bolš vynachodlivyja jašče i pakazvajuć, jak jany ŭ hetaj pozie byccam by niazmušana zajmajucca prostymi rečami — naprykład, pjuć kavu. A samyja aryhinalnyja staviać pad adzinuju apornuju nahu vysoki pradmiet nakštałt vazy i ŭvohule ładziać uvieś hety čelendž na stale, što robić jaho jašče mienš biaśpiečnym.

Adna z takich błohierak — biełaruska Nastaśsia Kaminskaja. Voś što ŭ jaje atrymałasia:

View this post on Instagram

A post shared by NASTIA KAMINSKAJA/MAMA DVOJNI+1 (@anastasiya_kaminskaya)

Błohierka i minskaja biznesvumien Julija Kabiakova zrabiła videa biez abcasaŭ, ale ŭsio roŭna atrymałasia ŭražliva:

View this post on Instagram

A post shared by Julija Kobiakova (@julia_blackkcat)

Pa cheštehu #nickiminajchallenge možna znajści ŭ tyktoku šmat inšych varyjantaŭ toj samaj pozy. Kab paŭdzielničać, nie abaviazkova navat adryvacca ad pracy:

@der_opbro Nicki Minaj OP -Edition #nickiminaj #trend #ota #ata #operationstechnischeassistentin #krankenhaus #pflege #ornurse #surgery #surgeon #delmenhorst ♬ Originalton - der_opbro

Časam dziela jarkaha rolika davodzicca prasić blizkich pra dapamohu — ci chacia b pra toje, kab nie pieraškadžali:

@collebrusco_crew It's not clocking to you that she's standing on business... mom business ✨ #CollebruscoCrew #MomsofTikTok #momlife #sahm ♬ High School - Nicki Minaj

A hetaja błohierka vyrašyła zapisać rolik dla čelendžu razam sa svajoj 62-hadovaj mamaj. Jana ŭpeŭnivaje, što pierahornutaja kniha ŭ rukach jaje maci nie pavinna biantežyć — maŭlaŭ, žančyna ŭmieje čytać i takim čynam:

@hauteofftherack Don't worry she actually knows how to read upside down… And yes, this is harder than it looks as is the balancing act of juggling motherhood, marriage, work-life, kids, social life, health, fitness, friendships… need I go on? But we out here standing on business! #nickiminajchallenge #motherdaughter #nickiminaj ♬ High School - Nicki Minaj

Kali čelendž vam spadabaŭsia, nie śpiašajciesia zapisvać anałahičny rolik — heta moža być niebiaśpiečna. Prykład — historyja 32-hadovaj rasijanki. Žančyna pastaviła na stoł rondal, a na rondal — banku ź dziciačaj sumieśsiu, abuła špilki i ŭstała adnoj nahoj na hetuju kanstrukcyju. Ale ŭtrymacca jana nie zdoleła i ŭpała na padłohu. Vynik — pierałom chrybietnika.

Kamientary da artykuła