Нобелеўскія лаўрэаты папрасілі Трампа дамагчыся вызвалення беларускіх палітвязняў

Дваццаць два нобелеўскія лаўрэаты падпісалі адкрыты зварот да прэзідэнта ЗША Дональда Трампа з просьбай дамагчыся вызвалення каля 1300 беларускіх палітвязняў.

Дональд Трамп. Фота: Joe Raedle / Getty Images

Сярод падпісантаў — беларуская пісьменніца Святлана Алексіевіч, нямецкая пісьменніца Герта Мюлер, расійскі журналіст Дзмітрый Муратаў, амерыканская актывістка Джодзі Уільямс, былы прэзідэнт Коста-Рыкі Оскар Арыяс і сямнаццаць навукоўцаў у розных галінах.

Яны падкрэсліваюць, што свабода для палітвязняў адкрые шлях да дыялогу і прымірэння ў Беларусі, а таксама заклікаюць спыніць палітычныя рэпрэсіі і стварыць умовы для вяртання тых, хто вымушаны быў уцячы за мяжу.

У лісце нобелеўскія лаўрэаты дзякуюць Трампу за тое, што ён ужо ўздымаў гэтую тэму ў размове з Лукашэнкам, і заклікалі працягваць ціск дзеля вызвалення ўсіх вязняў сумлення.

З сярэдзіны 2024 года ў Беларусі выпусцілі некалькі сотняў асуджаных па палітычных справах, але пераслед іншадумцаў і пратэстоўцаў працягваецца, нягледзячы на заявы Лукашэнкі, што палітвязняў у краіне нібыта няма.

Каментары да артыкула