БЕЛ Ł РУС

Жлобінскі водаканал наглядна паказаў, чаму нельга кідаць вільготныя сурвэткі ва ўнітаз

25.08.2025 / 18:40

Nashaniva.com

Супрацоўніца Жлобінскага водаканала выклала ў тыктоку відэа, у якім паказала праблему, якая ўзнікае, калі кідаць ва ўнітаз вільготныя сурвэткі, сродкі асабістай гігіены і дзіцячыя падгузнікі, заўважыла выданне Telegraf.news.

Скрыншот з відэа

Відэа знятае каля прыёмнай камеры каналізацыі, куды трапляюць усе сцёкавыя воды горада з насельніцтвам каля 76 тысяч чалавек. На відэа бачныя жалезныя краты, якія затрымліваюць смецце, што не раствараецца ў вадзе.

@uylaparecka не выбрасывайте одноразовые салфетки в унитаз!!!!!!!!!! это просто беда бедовая нашей канализации #жлобинводоканал_2025 ♬ Альбедо Каневский - Александр Озимов

Калі прадметы з сінтэтычных матэрыялаў трапляюць у сістэму, супрацоўнікам водаканала даводзіцца рэгулярна чысціць іх уручную. У горшым выпадку яны могуць заблакаваць унітаз у кватэры або пашкодзіць абсталяванне на помпавай станцыі.

Супрацоўніца прадпрыемства назвала вільготныя сурвэткі сапраўднай «катастрофай» для водаканала. У каментарах да відэа многія карыстальнікі прызналіся, што не ведалі пра гэтую праблему і лічаць нармальным кідаць вільготныя сурвэткі ва ўнітаз гэтак жа сама, як і туалетную паперу.

Праблема ў тым, што вільготныя сурвэткі звычайна вырабленыя з сінтэтычных матэрыялаў, такіх як поліэстэр або поліпрапілен, прапітаных спецыяльным растворам, таму яны не распускаюцца ў вадзе. Гэта робіць іх небяспечнымі для каналізацыі, у адрозненне ад паперы.

Некаторыя каментатары дзяліліся асабістым досведам і прапанавалі рашэнні: паказваць інфармацыйныя ролікі па тэлебачанні, размяшчаць аб’явы на дамах з папярэджаннем, што рамонт помпаў аплачваюць жыхары, або арганізоўваць школьныя экскурсіі на ачышчальныя збудаванні, што дапамагае навучыцца правільна карыстацца каналізацыяй.

Чытайце таксама:

Кіньце часнык ва ўнітаз на ноч. Эфект вас здзівіць

Чаму мінская Няміга перастала трапляць у зводкі патопаў пасля залеў?

Мінчане скардзяцца, што ў горадзе вельмі моцна смярдзіць. Санстанцыя кажа, што непакоіцца няма пра што

«Майстар прыйшоў і папрасіў выдаліць відэа з тыктоку». У Магілёве на даху шматпавярховіка ўтварыўся вялікі басейн

«Смурод такі, што немагчыма дыхаць». Дом у «Мінск-Свеце» тры дні залівала каналізацыяй

«А калі ў сажалку трапіць снарад?» Мясцовыя актывісты расказалі, як вядуць змаганне супраць фекальнай сажалкі пад Жодзінам

Каментары да артыкула