Часнык — добры дадатак да самых разнастайных страў. Але яго можна з поспехам выкарыстоўваць як сродак дэзынфекцыі, напрыклад, унітаза.
Часнык мае супрацьзапаленчыя і антысептычныя ўласцівасці. Дзякуючы наяўнасці ў ім аліцыну, які знішчае некаторыя інфекцыйныя мікраарганізмы, часнык называюць прыродным антыбіётыкам. Менавіта аліцын дапаможа прадэзынфікаваць унітаз, перадухіліць рост бактэрый і грыбкоў. Дастаткова аднаго-двух зубчыкаў часныку.
Як сцвярджаюць дасведчаныя людзі, працэдуру лепш рабіць на ноч, бо звычайна гэтай парою ніхто не карыстаецца туалетам. Але калі ў вас днём нікога няма дома, то можна закінуць ачышчаныя зубчыкі часныку ва ўнітаз перад выхадам на працу. Ранкам ці пасля вяртання з працы спусціце ваду.
Для падтрымання эфекту рабіце гэта два разы на тыдзень.
Акрамя дэзынфекцыі ўнітазу, часнык дапаможа пазбавіцца ад жоўтых плямаў у ім. Для гэтага трэба заліць ва ўнітаз настой, прыгатаваны па спецыяльным рэцэпце.
У каструлю ўліце дзве з паловай шклянкі вады. Дадайце тры ачышчаныя зубчыкі часныку. Калі вада закіпіць, здыміце з агню і дадайце пакецік чаю, дайце настаяцца і астыць. Прыгатаваны настой выліце ва ўнітаз перад сном (ці адыходам на працу). Ранкам ці пасля вяртання спусціце ваду.
Калі плямы не зніклі з першага разу, працэдуру варта паўтарыць.
Але трэба памятаць, што выкарыстанне часныку не павінна замяніць рэгулярнага і стараннага прыбірання туалета.
Чытайце яшчэ
Вадкасць для паласкання рота можна выкарыстоўваць для розных мэтаў. Вось дзе яна дапаможа
Ці закрываць унітаз перад змываннем? Навукоўцы далі канчатковы адказ
Цяпер чытаюць
Затрымалі аднаго з удзельнікаў ювелірнага брэнда Belaruskicry Ягора Бужылава. Прапагандысты паказалі яго3
Каментары