Мінчане скардзяцца, што ў горадзе вельмі моцна смярдзіць. Санстанцыя кажа, што непакоіцца няма пра што
Жыхары розных раёнаў сталіцы кажуць, што ў горадзе вельмі дрэнна пахне.
Скаргі на моцны смурод і пах каналізацыі паступалі з зусім розных раёнаў горада: Серабранка, Усход, Няміга, Шабаны, Зялёны Луг, раён Партызанскага праспекта.
Некаторыя гараджане ўпэўнены, што прычына смуроду ва ўгнаенні палёў вакол сталіцы. Але кажуць, што сёлета пах асабліва моцны.
У Мінскім гарадскім цэнтры эпідэміялогіі кажуць, што турбавацца няма чаго. Галоўны доктар цэнтра Рыгор Гецюк паспрабаваў растлумачыць усё надвор'ем і нейкімі лакальнымі прычынамі, але напусціў яшчэ больш туману.
Вось тлумачэнне Гецюка агенцтву «Мінск-Навіны»:
«Адчуванне непрыемнага паху можна звязаць з прысутнасцю ў атмасферным паветры сумесі розных злучэнняў з крыніц, размешчаных на дадзенай мясцовасці, а таксама комплексам метэаралагічных характарыстык, рэльефам мясцовасці і іншымі фактарамі, якія ўплываюць на перанос, рассеянне і трансфармацыю хімічных злучэнняў у паветры».
Гецюк заявіў, што санстанцыя маніторыць якасць паветра, у тым ліку па дадатковых параметрах. Ён сцвярджае, што ў чэрвені-ліпені ў Мінску максімальна-разавыя канцэнтрацыі забруджваючых рэчываў адпавядалі гігіенічным нормам, то-бок былі ў межах нормы.
Цяпер чытаюць
Польшча прызнала Аляксандра Машэнскага непажаданай асобай34
Каментары
Непакоіцца няма пра што - ім так нармальна!