У Брэсце заўважылі адразу чатырох ліс у адным месцы. Там жа быў і кот
У Брэсце каля 5-га форта людзі заўважылі адразу чатырох ліс. Відэа з імі з’явілася ў тыктоку і выклікала актыўнае абмеркаванне, заўважыў Telegraf.news.
На кадрах бачна, як лісы свабодна ходзяць побач з людзьмі, нюхаюць асфальт і не пужаюцца транспарту. Побач таксама быў кот, які напружыўся і выгнуў спіну, убачыўшы дзікіх жывёл.
Каментатары выказалі занепакоенасць: некаторыя баяліся, што лісы могуць быць шалёнымі або напасці на кота. Хтосьці напісаў, што «ката нельга там пакідаць — лісы яго лёгка загрызуць», іншыя звярнулі ўвагу, што не прышчэпленыя каты могуць заразіцца шаленствам.
Але былі і водгукі, якія супакойвалі: нехта сцвярджаў, што гэтыя лісіцы — «мясцовыя», іх усе ведаюць, яны амаль ручныя, а на самай справе каты самі часам ганяюць лісянят, бо ў іх канкурэнцыя за ежу. Таксама адзначалася, што гэта, хутчэй за ўсё, зусім маладыя лісы, таму яны такія бясстрашныя.
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1919
Каментары