Terarysty atakavali Paryž. 128 zabitych. Aland uvioŭ nadzvyčajnaje stanovišča: «Baraćba budzie biaźlitasnaj»
abnaŭlajecca
U 23:20 pa biełaruskim časie terarysty z krykami «Ałach Akbar» adnačasova adkryli ahoń u siami roznych miescach horada. A 2:01 prezident Aland abvieściŭ pra ŭviadzieńnie nadzvyčajnaha stanovišča. A 2:30 śpiecnaz uziaŭ šturmam zachoplenuju terarystami kancertnuju zału.
19.10
Pavodle ŭdakładnienych dadzienych, hramadzianie Biełarusi ŭ Paryžy nie paciarpieli
19.04
U Paryžy la balnic vystrailisia čerhi z žadajučych zdać kroŭ dla paciarpiełych FOTAFAKT
17.31
Ustanoŭlena asoba adnaho z terarystaŭ u Paryžy
17.30
Francyja ŭvodzić dadatkovyja miery biaśpieki
15.20
U śmiarotnika sa stadyjona «Stad de Frans» znajšli siryjski pašpart
14.08
Lidar francuzskaj apazicyi prapanuje internavać usich, chto ŭ śpisach «patencyjnych terarystaŭ»
14.04
«Isłamskaja dziaržava» ŭziała na siabie adkaznaść za terakty ŭ Paryžy
13:30
MZS: Siarod paciarpiełych u vyniku teraktaŭ u Paryžy jość biełarus
Biełarusy niasuć kvietki da pasolstva Francyi ŭ Minsku
Voś u hetych miescach adbylisia ataki.
13.15
Aland abvinavaciŭ «Isłamskuju dziaržavu» ŭ teraktach
13.08
U Francyi abvieščana trochdzionnaja žałoba
12.32
U Paryžy admianili spartyŭnyja mierapryjemstvy i zakryli Dysnejłend
11.30
U vyniku učynienych u Paryžy napadaŭ i šturmu teatra zahinuli jak minimum 153 čałavieki, pieradaje CNN sa spasyłkaj na ŭłady. U toj ža čas France 24 pryvodzić ličbu 128 zahinułych.
11.06
MZS prosić biełarusaŭ u Francyi vyjści na suviaź z rodnymi
9:00
Streły prahučali ŭ Paryžy ŭ piatnicu ŭviečary, kala 21.20 pa miascovym časie (23.20 pa Minsku) spačatku ŭ X, a potym u XI akruzie francuzskaj stalicy, pobač z vulicaj Biša (rue Bichat), potym u kancertnaj zale Bataclan, dzie ŭ hety momant hraŭ hurt Eagles of Death Metal.
Vidavočcy raspaviali pra piać ci šeść mužčynaŭ, biez masak, jakija biazładna stralali pa natoŭpie. Pa ich słovach, stralba pačałasia ŭ razhar kancertu.
Adnačasova nieviadomyja adkryli stralbu pa naviedvalnikach dźviuch paryžskich ustanoŭ, jakija znachodziacca adna nasuprać adnoj, bara Carillon («Cyfierbłat») i restarana Le Petit Cambodge («Maleńkaja Kambodža»). Pa słovach vidavočcaŭ, ludzi kryčali, na ziamli lažali kala dziesiaci cieł.
U hety ž čas u chodzie futbolnaha matča Francyja—Hiermanija kala stadyjona Stade de France na poŭnač ad Paryža prahrymieli vybuchi. Pa papiarednich dadzienych, havorka idzie pra dziejańni terarystaŭ-śmiarotnikaŭ.
Žurnalist vydańnia 20 Minutes, jaki znachodziŭsia na miescy, paviedamiŭ ab dvuch vybuchach, jakija byli čutnyja na stadyjonie padčas pieršaha pieryjadu. «Fiharo» paviedamlaje ab troch vybuchach. Pavodle papiarednich dadzienych palicyi, zahinuła nie mienš za try čałavieki.
Fransua Ałand, jaki prysutničaŭ na matčy, byŭ evakujakavany sa stadyjona i nakiravaŭsia ŭ kryzisny štab MUS Francyi.
Paźniej u zvarocie da nacyi prezident Ałand abviaściŭ ab uviadzieńni ŭ krainie nadzvyčajnaha stanovišča, a taksama ab zakryćci miežaŭ i zaklikaŭ narod Francyi da adzinstva i salidarnaści pierad tvaram teraryzmu.
Śpiecnaz šturmam uziaŭ kancertnuju zału Bataclan, dzie, jak stała viadoma, terarysty zachapili zakładnikaŭ.
Usiaho ŭ zale zahinuli, pa apošnich dadzienych, nie mienš za 80 čałaviek. Napadniki byli zabityja ŭ chodzie šturmu.
Na ranicu suboty paviedamlajecca pra 120 zahinułych, 200 paranienych i vosiem zabitych terarystaŭ.
Pavodle infarmacyi Jelisiejskaha pałaca, 1500 dadatkovych vajskoŭcaŭ byli mabilizavany ŭ piatnicu viečaram. U subotu adbudziecca pazačarhovaje pasiadžeńnie Rady abarony krainy, na jakim pavinny być pryniaty rašeńni pa dalejšym dziejańnia ŭładaŭ.
3:45
Francuzskaje bfmtv.com nazyvaje ličbu kala 100 zabitych u kancertnaj zale i 40 achviaraŭ u inšych miescach.
MZS Francyi zajaviŭ, što pavietranaje i čyhunačnaje złučeńnie z Francyjaj pieraryvacca nie budzie.
Aland admianiŭ udzieł u Samicie «Vialikaj dvaccatki» ŭ Turcyi.
Aland pryjechaŭ u kancertnuju zału «Bataklan» i pravioŭ tam paŭhadziny. Jon zajaviŭ tam: «Baraćba budzie biaźlitasnaj. Terarysty pavinny viedać, što buduć mieć spravu z Francyjaj zhurtavanaj i rašučaj».
Ź jeŭrapiejskich krain prychodziać paviedamleńni pra ŭzmacnieńnie zachadaŭ biaśpieki.
2:53
Reuters: šturm zavieršany, dvoje terarystaŭ zabityja.
Videa ź miesca:
2:49
Pamiaškańni «Stad de Frans» ciapier pračesvajuć sapiory ŭ pošukach inšych vybuchovych pryład.
Karotki zvarot Alanda:
2:43
Palicyja zabaraniła vieści žyvuju videatranślacyju ź miesca zachopu zakładnikaŭ.
2:38
Usie škoły i VNU Paryža zaŭtra buduć zakrytyja.
2:34
SNN: Adzin teraryst zatrymany, jon zajaviŭ, što vajuje za IDIŁ.
2:33
Kommiersant': Taksisty ŭ Paryžy razvoziać ludziej biaspłatna.
Rojterz: U francuzskich sacsietkach raspačałasia akcyja salidarnaści #porteouverte. Ludzi prymajuć u svaje damy i kvatery tych, chto apynuŭsia daloka ad domu i nie maje dzie pieranačavać.
2:30
ROUTES Paris IdF: Paryžskaje mietro zakryła 3,5,8,9,11 linii.
2:28
Francuzski śpiecnaz pačaŭ šturm kancertnaj zały «Bataklan», pieradajuć infarmahienctvy.
2:27
Žuljen Pjers, radyjožurnalistka, była ŭ teatry ŭ momant napadu. Niekalki zusim-zusim maładych napadnikaŭ biez masak, raskazała jana karespandentu Rojterz, uvarvalisia ŭ zału i pačali biesparadačnuju stralaninu. Ludzi kinulisia naŭcioki praz scenu i zapasnyja vychady. Stralanina doŭžyłasia 12—15 chvilin, pa jaje słovach. Zrešty, usprymańnie času ŭ takija momanty raściahvajecca.
2:20
The Associated Press: «La stadyjona było dva śmiarotniki i adna bomba, paćvierdziła palicyja»
2:15
Z teatra piša čałaviek: «Ja mocna paranieny. Chaj chutčej šturmujuć. Nas tut zabivajuć usich. Adnaho za adnym. Chutčej na pieršy pavierch!»
Čałaviek zastaniecca žyvy. Nastupnaje paviedamleńnie budzie: «Ja žyvy».
2:10
SNN: Terarysty ŭ zale teatra pavodzili siabie spakojna, pieriezaradžali zbroju 3—4 razy.
2:09
Z Maskvy: «U Rasii rašuča asudžajuć hetyja biesčałaviečnyja zabojstvy i hatovy pradastavić lubuju dapamohu ŭ rasśledavańni hetych terarystyčnych złačynstvaŭ», — zajaviŭ pres-sakratar Pucina Dźmitryj Piaskoŭ.
2:05
The Associated Press: U Paryž ŭviedzienyja padraździaleńni Uzbrojenych sił Francyi.
2:00
Prezident Francyi Fransua Aland u ekstranym zvarocie da nacyi abviaściŭ pra časovaje zakryćcio miežaŭ krainy. U rehijonie Paryža ŭvodzicca nadzvyčajnaje stanovišča.
01:54
Twitter: Palicyja Paryža prosić haradžan zastavacca doma.
1.30
Ličba zakładnikaŭ, jakich nieviadomyja zachapili ŭ paryžskim teatry «Bataklan» u 11-j akruzie Paryža składaje kala 100 čałaviek, pieradaje ahienctva Rojterz.
Uviečary ŭ piatnicu nieviadomyja adkryli stralbu ŭ adnym z restaranaŭ 10-j akruhi Paryža, u vyniku jakoj zahinuli 11 čałaviek,
a taksama ŭ teatry «Bataklan», dzie achviarami stali 15 čałaviek.
Akramia hetaha, pa papiaredniaj infarmacyi, dva ci try vybuchi, jak miarkujecca, hranat, prahučali ŭ niepasrednaj blizkaści ad stadyjona «Stad de Frans», dzie prachodziŭ tavaryski matč Francyja — Hiermanija. Na hulni prysutničali prezident Francyi Fransua Aland i kiraŭniki MZS Francyi i Hiermanii Loran Fabius i Frank-Valter Štajnmajer.
Radyjo «Erop-1» pieradaje ab stralaninie i ŭ handlovym centry «Le Al».
Z zajavami adnosna padziej u Paryžy vystupili prezident Abama i premjer-ministr Kemieran. Voś vystup Abamy anłajn:
«Once again we've seen an outrageous attempt to terrorize innocent civilians» Obama told at the White House.
«We stand prepared and ready to provide whatever assistance that the government and the people of France need,» he said, to «bring these terrorists to justice and go after any terrorist networks».
«Those who think that they can terrorize the people of France or the values that they stand for are wrong».