Siarod paciarpiełych u vyniku teraktaŭ u Paryžy, jakija adbylisia ŭ noč z 13 na 14 listapada, jość hramadzianin Biełarusi, paviedamiła biełaruskaje MZS na svajoj staroncy ŭ sacyjalnaj sietcy «Tvitar».
«Jość źviestki, što siarod paciarpiełych u vyniku teraktu ŭ Paryžy adzin hramadzianin Biełarusi. Jamu akazvajecca mieddapamoha, pahrozy žyćciu niama», — adznačajecca ŭ paviedamleńni.
«Viadziecca pravierka. Čakajem aficyjnych dadzienych francuzskaha boku», — udakładniaje biełaruskaje źniešniepalityčnaje viedamstva.
Źniešniepalityčnaje viedamstva apublikavała telefon dla ekstrannaj suviazi z pasolstvam ŭ Francyi: 33 609 784 140. Telefanavać mohuć tolki hramadzianie, rodnyja jakich znachodziacca ŭ Paryžy i nie vychodziać na suviaź. Telefon haračaj linii prefiektury Paryža dla turystaŭ +33 (0) 145 558 000.
MZS «rekamienduje źmieščanym u Francyi hramadzianam našaj krainy vykonvać ukazańni ŭładaŭ i vyjści na suviaź z rodnymi i blizkimi ŭ Biełarusi». Ambasada ŭ Paryžy praciahvaje adsočvać situacyju.
Kamientary