Źviestak ab paciarpiełych hramadzianach Biełarusi ŭ vyniku teraktaŭ u Paryžy na dadzieny momant niama. Pra heta TUT.BY paviedamiŭ aficyjny pradstaŭnik MZS Biełarusi Dźmitryj Mirončyk.
«Ministerstva zamiežnych spraŭ i pasolstva Biełarusi ŭ Francyi staranna adsočvajuć situacyju. Na dadzieny momant pa linii Ministerstva ŭnutranych spraŭ Francyi i kryzisnaha centra MZS Francyi my nie atrymlivali infarmacyju ab najaŭnaści biełaruskich hramadzian siarod achviar i paciarpiełych u vyniku teraktaŭ», - paviedamili ŭ viedamstvie.
«Z ulikam uviedzienaha ŭ Francyi nadzvyčajnaha stanovišča MZS rekamienduje biełarusam, jakija znachodziacca ŭ hetaj krainie, vykonvać ukazańni ŭładaŭ i vyjści na suviaź z rodnymi i blizkimi ŭ Biełarusi», — źviarnulisia z prośbaj da suhramadzian u biełaruskim MZS.
Dla ekstranaj suviazi z pasolstvam Biełarusi ŭ Francyi pracuje telefon +33 609 784 140.
«Kali vašy svajaki znachodziacca ŭ Francyi i vy nie zmožacie ź imi źviazacca, to vy možacie patelefanavać pa hetym numary», — raspaviali ŭ MZS. Dźmitryj Mirončyk taksama padkreśliŭ, što hety numar ekstranaj suviazi i jon pryznačany dla tych hramadzian, rodnyja jakich znachodziacca ŭ Paryžy i nie vychodziać na suviaź.
MZS taksama paviedamiŭ telefon haračaj linii prefiektury Paryža dla turystaŭ +33 145 558 000.
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič33
Kamientary