Turcyja źbiła rasijski Su-24 na miažy ź Siryjaj
Raniej Ankara zaścierahała Maskvu ad bambavańnia turkmienskich viosak na miažy.
hurriyet.com.tr
U Siryi na miažy z Turcyjaj paciarpieŭ krušeńnie rasijski samalot Su-24, paviedamiła Ministerstva abarony Rasii.
«Minabarony RF adznačaje, što ŭvieś čas palotu samalot znachodziŭsia vyklučna nad terytoryjaj Siryi. Heta zafiksavana abjektyŭnymi srodkami kantrolu», — zajaviła Minabarony RF.
Samalot znachodziŭsia na vyšyni 6000 mietraŭ.
Tureckija ŚMI sa spasyłkaj na krynicy pišuć, što samalot parušyŭ pavietranuju prastoru Turcyi i byŭ źbity tureckimi źniščalnikami amierykanskaj vytvorčaści F-16. Pavodle tureckich ŚMI, abodva piłoty katapultavalisia, ich zachapili ŭ pałon siryjskija turkmieny — etničnaja hrupa, rodnasnaja turkam i jakaja karystajecca ich padtrymkaj.
Paźniej infarmahienctvy paviedamili, što abodva piłoty rasijskaha samalota Su-24 miortvyja.
Siarhiej Rumiancaŭ i Eldar Safutaŭ zmahli katapultavacca z pałajučaha bambavika. Pavodle niekatorych dadzienych, piłot hvardyi major Siarhiej Rumiancaŭ zastreliŭsia, kab nie patrapić u pałon. Na ziamli jaho znajšli ŭžo miortvym.
Paźniej arabskija videabłohiery FSA («Svabodnaja siryjskaja armija») paviedamili pra śmierć druhoha piłota Eldara Safutava. Katapultavaŭšysia, jon trapiŭ u pałon da žycharoŭ vioski, jakija akazalisia bajevikami FSA. Pradstaŭniki «Svabodnaj siryjskaj armii» zajavili, što Eldar Safutaŭ sprabavaŭ biehčy, i pa im adkryli ahoń.
Paciarpiełymi ŭ vyniku padzieńnia abłomkaŭ rasijskaha samalota Su-24 apynulisia dvoje žycharoŭ rajona Jajładahy pravincyi Chataj ŭ Turcyi, pieradaje kanał Ulusual.
Źniščeńnie rasijskaha samalota moža vyklikać abvastreńnie i biez taho naciahnutych rasijska-tureckich adnosin.
Čytajcie taksama:
Na miažy Siryi i Turcyi źbity źniščalnik
Minabarony Turcyi raskazała pra 10 papiaredžańniaŭ rasijskamu samalotu
Turcyja nastojvaje, što źbity samalot parušyŭ jaje pavietranuju prastoru
Turcyja pakazała trajektoryju palotu źbitaha Su-24
Pucin vystupić z zajavaj ab hibieli rasijskaha Su-24
NATA sklikała ekstrannuju naradu ŭ suviazi z padzieńniem rasijskaha Su-24
Piaskoŭ: Kazać pra nastupstvy dla adnosin RF i Turcyi ciapier niapravilna
Adzin ź piłotaŭ źbitaha rasijskaha Su-24 zahinuŭ - ŚMI
Siryjskija bajeviki raspaviali pra zabojstva rasijskaha piłota
Alesin: Vajny pamiž Turcyjaj i Rasija nie budzie, ale ad Rasii možna čakać asimietryčnaha adkazu
Arsienij Sivicki: Z boku Ankary heta vielmi žorstki sihnał Kramlu
Pucin nazvaŭ ataku na rasijski Su-24 «udaram u śpinu»