U Siryi kala miažy z Turcyjaj raźbiŭsia vajskovy samalot. Pra heta paviedamlaje ŭ aŭtorak, 24 listapada, Reuters sa spasyłkaj na turecki telekanał Haberturk. Jakoj krainie naležała pavietranaje sudna, nieviadoma.
Tureckaje biuro CNN sa spasyłkaj na krynicy piša, što samalot parušyŭ pavietranuju prastoru Turcyi i byŭ źbity. Pa dadzienych kanała, abodva piłoty katapultavalisia.
Turecki vajskoviec skazaŭ Reuters, što samalot źbili źniščalniki F16.
Dla vyratavańnia piłotaŭ ŭ pavietra padniatyja dva viertaloty, pieradaje tureckaje biuro CNN. Pa dadzienych telekanała, tam, dzie pryziamlilisia lotčyki, iduć bai.
Premjer-ministr Turcyi Achmiet Davutahłu daručyŭ MZS krainy prakansultavacca z NATA i AAN z nahody situacyi na miažy ź Siryjaj.
MZS Turcyi 19 listapada vyklikaŭ pasła Rasii Andreja Karpava i ŭručyŭ jamu papiaredžańnie ab tym, što Ankara maje prava adkazać, kali biaśpieka tureckich miežaŭ budzie pad pahrozaj.

Kamientary