Alesin: Vajny pamiž Turcyjaj i Rasijaj nie budzie, ale ad Rasii možna čakać asimietryčnaha adkazu
Vajskovy ekśpiert Alaksandr Alesin pra nastupstvy źbićcia Turcyjaj rasijskaha samalota Su-24.
«Vajny nie budzie, kaniečnie. Rasija — heta jadziernaja dziaržava, heta raz. Turcyja — heta kraina NATA, heta dva. Zrazumieła, kali pamiž hetymi krainami ŭźniknie niejki incydent, to moža ŭźniknuć vialikaja niebiaśpieka pierarastańnia ŭ vajenny kanflikt. Abodva baki buduć dziejničać niejkimi zakulisnymi manieŭrami.
Zrazumieła, što źbićcio samalota — heta niezadavolenaść dziejańniami Rasii ŭ pryhraničnaj terytoryi. Jany daŭno kazali, što rasijskija bambardziroŭščyki bambiać celi blizka da terytoryi Turcyi, dzie žyvuć tak zvanyja siryjskija turkmieny. Turcyja ž źjaŭlajecca ich asacyjalnym zastupnikam, abaraniaje ich intaresy.
Vielmi ciažka budzie vyznačyć, ci było kryło samalota na tureckaj terytoryi. Turcyja pradastavić dakumienty, što było. Rasija — što nie było.
Vajny nie budzie, adnak budzie niejki asimietryčny adkaz z boku Rasii. U Turcyi dastatkova bujnyja ekanamičnyja intaresy ŭ Rasii. Turcyja sprabuje zaniać miesca pastaŭščyka sielhaspradukcyi ŭ Rasii zamiest krain ES.
Turcyja — heta samaja mocnaja rehijanalnaja vajskovaja dziaržava. Joj tam nichto nie zmoža supraćstajać. U Turcyi jość sučasnaja amierykanskaja zbroja. Jość ułasny VPK. Jany vypuskajuć svaje tanki, broniemašyny, reaktyŭnyja sistemy załpavaha ahniu, ekspartujuć šmat zbroi. Tyja samaloty, jakija im pastaŭlali amierykancy, jany sami źbirali na svajoj terytoryi. Pa technałahičnym uzroŭni, mahčyma, ich pieraŭzychodzić Izrail. Ale mienavita Turcyja na Blizkim Uschodzie maje samuju bujnuju i bajazdolnuju armiju».
-
«Mnie kazali: ty havoryš jak kanadski emihrant». Siarhiej Šupa raskazaŭ pra Vilniu 90-ch, paraŭnańnie litoŭskaj litaratury ź biełaruskaj i adroźnieńni pamiž narodami
-
Łukašenka pavodzić siabie ŭ «makdonaldsie» jak u savieckaj stałoŭcy. I dumaje, što heta kruta
-
Pucin užo pavinšavaŭ Madžtabu Chamieniei, a Łukašenka nie. Čaho čakaje?
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary